Rahul Gandhi | लोकसभा निवडणुकीसाठी राहुल गांधींनी वायनाडमधून दाखल केला उमेदवारी अर्ज

By azad desk On Apr 3, 2024

Rahul Gandhi Nomination | केरळमधील वायनाडमधून काँग्रेस नेते राहुल गांधी यांनी बुधवारी (03 एप्रिल) लोकसभा निवडणुकीसाठी 2024 साठी अर्ज दाखल केला आहे. याआधी त्यांनी एक रोड शो केला होता ज्यात त्यांच्यासोबत काँग्रेस सरचिटणीस आणि त्यांची बहीण प्रियांका गांधीही उपस्थित होत्या.

2019 च्या निवडणुकीत राहुल गांधींनी वायनाडची जागा चार लाखांपेक्षा जास्त मतांनी जिंकली होती. पक्षाने सांगितले की, राहुल गांधी हेलिकॉप्टरने वायनाडमधील मुप्पैनड या गावात पोहोचले आणि रस्त्याने कलपेट्टाला गेले. काँग्रेसने सांगितले की त्यांनी प्रियांका गांधी आणि केसी वेणुगोपाल, दीपा दास, कन्हैया कुमार आणि राज्य विधानसभेतील विरोधी पक्षनेते व्हीडी सतीसन आणि केपीसीसीचे कार्याध्यक्ष एमएम हसन यांच्यासमवेत सकाळी 11 वाजता कालपेटा येथून रोड शो सुरू केला.

‘विचारधारेत फरक असू शकतो पण सगळे माझ्या कुटुंबासारखे आहेत’
यावेळी राहुल गांधी (Rahul Gandhi) म्हणाले की, “तुमचा खासदार होणे ही माझ्यासाठी अभिमानाची गोष्ट असेल. मी तुम्हा सर्वांना माझी लहान बहीण प्रियंका सारखा मानतो. इथे एखाद्या व्यक्तीने वन्य प्राण्याचा बळी घेणे हा मुद्दा मोठा आहे. हा वैद्यकीय महाविद्यालयाचा प्रश्न आहे. मी उपस्थित केलेले सर्व प्रश्न विचारले, मुख्यमंत्र्यांना पत्र लिहिले पण त्यावर काहीही उत्तर आले नाही. केंद्र आणि केरळमध्ये आमचे सरकार असेल तेव्हा आम्ही तुमचे सर्व प्रश्न सोडवू. मग तो UDF असो किंवा LDF, सर्वजण माझ्या कुटुंबाप्रमाणे आहेत. विचारधारेचा फरक असला तरी. गेल्या पाच वर्षांत मला तुमच्याकडून खूप काही शिकायला मिळाले आहे.

रोड शोनंतर अर्ज दाखल
रोड शोमध्ये हजारो काँग्रेस कार्यकर्ते आणि समर्थक सहभागी झाले होते. पक्षाने सांगितले की, रोड शो सिव्हिल स्टेशनजवळ दुपारच्या सुमारास संपला, त्यानंतर राहुल गांधी यांनी जिल्हाधिकाऱ्यांकडे उमेदवारी अर्ज सादर केला. त्याचवेळी भारतीय जनता पक्षाने (भाजप) राहुल गांधी यांच्याविरोधात के. सुरेंद्रन यांना मैदानात उतरवले आहे. लोकसभा निवडणूक 2024 च्या दुसऱ्या टप्प्यात 26 एप्रिल रोजी वायनाडमध्ये मतदान होणार आहे. या तारखेला 13 राज्यांतील 89 जागांवर मतदान होणार आहे.