“रामायण हे मनोरंजनासाठी नाही”, सीता मातेची भूमिका साकारलेल्या दीपिका चिखलीया यांचं वक्तव्य

ओम राऊत दिग्दर्शित आदिपुरुष (Adipurush) हा सिनेमा रिलीज झाल्यापासून वादात सापडला आहे. सिनेमातील दृश्ये, पात्रांचे डायलॉग्ज अशा बऱ्याच कारणांवरुन आदिपुरुषवर बंदी घालण्याची मागणी केली जात आहे. आदिपुरुषची रामायणासोबत (Ramayan) तुलना केली जात आहे. रामानंद सागर यांच्या रामायण मालिकेतील पात्रांनीही आदिपुरुषवर नाराजी व्यक्त केली आहे. रामाची भूमिका साकारणारे अरुण गोविल, लक्ष्मण साकारणारे सुनील लहरी यांनी आपल्या प्रतिक्रिया दिल्या होत्या. आता सीता मातेची भूमिका करणाऱ्या दीपिका चिखलिया (Dipika Chikhaliya) यांनीही आदिपुरुषवर टीकास्त्र सोडले आहे.

दीपिका चिखलिया यांनी ‘पीटीआय’ला मुलाखत दिली. त्या म्हणाल्या, “हिंदू महाकाव्य ही मनोरंजनासाठी नाहीत. दिग्दर्शकांनी दर काही वर्षांनी यात बदल करताना विचार केला पाहिजे. संवाद, चित्रपटात वापरण्यात आलेली भाषा आणि त्यातील काही पात्रांच्या चुकीच्या प्रदर्शनामुळे ‘आदिपुरुषवर’ टीका होत आहे.”