केरळमध्ये महिला डॉक्टरची आत्महत्या, हुंडा म्हणून BMW न मिळाल्याने प्रियकराने तोडले होते लग्न
kerala doctor suicide: केरळमधील २६ वर्षीय डॉ. शहाना यांच्या घरी लग्नसराई सुरू होणार होती. त्यांच्या घरच्यांनीही प्रियकरासोबत लग्नाला होकार दिला होता. सर्व काही ठीक चालले होते, पण अचानक त्यांचे लग्न मोडले. शहाना यांच्या कुटुंबियांनी हुंड्याची मागणी पूर्ण न केल्याने मुलाच्या कुटुंबियांनी लग्न मोडले. त्यामुळे डॉ. शहाना यांना इतका धक्का बसला की तिने आत्महत्या केली.
हे प्रकरण केरळमधील तिरुवनंतपुरम येथील आहे. शहाना तिरुअनंतपुरम मेडिकल कॉलेजमध्ये वैद्यकीय शिक्षण घेत होती. आता 5 डिसेंबर रोजी ती भाड्याने राहत असलेल्या घरात तिचा मृतदेह आढळून आला.
मुलानी हुंड्यात BMW कार मागितली
शहानाच्या आत्महत्येनंतर तिचे प्रियकरासोबत लग्न निश्चित झाल्याचा आरोप कुटुंबीयांनी केला आहे. मात्र त्यानंतर मुलाकडून हुंड्याची मागणी करण्यात आली. जे शहानाचे कुटुंब पूर्ण करू शकले नाही. याच कारणासाठी शहानाने आपल्या प्राणाची आहुती दिली.
शहानाच्या कुटुंबीयांच्या म्हणण्यानुसार, मुलाच्या बाजूने सोने, जमीन आणि बीएमडब्ल्यू कार मागितली होती. मात्र घरच्यांनी ही मागणी पूर्ण करण्यास नकार दिल्याने मुलाने संबंध तोडले. ज्या मुलावर हा आरोप करण्यात आला आहे तो मेडिकल पीजी डॉक्टर्स असोसिएशनचा प्रतिनिधी आहे. डॉ रुवैस असे त्याचे नाव आहे.
शहानाचे वडील मध्यपूर्वेत काम करत होते, त्यांचे नुकतेच निधन झाले आहे. सध्या पोलिसांनी अनैसर्गिक मृत्यूची नोंद केली आहे. यासोबतच आरोपी डॉ.रुवैसलाही अटक करण्यात आली आहे. केरळच्या आरोग्य मंत्री वीणा जॉर्ज यांनी महिला आणि बालविकास विभाग चौकशी करून अहवाल तयार करणार असल्याचे सांगितले आहे.
महत्वाच्या बातम्या-
बाजारात मिळतं एकूण १० प्रकाराचं मीठ, जाणून घ्या आरोग्यासाठी कोणते मीठ आहे उत्तम