‘बचपन का प्यार’ गाणाऱ्या सहदेवचा झाला गंभीर अपघात, रुग्णालयात दाखल
नवी दिल्ली- ‘बचपन का प्यार’ या गाण्याने व्हायरल झालेला सहदेव दिरदो रस्ता अपघातात जखमी झाला आहे. 28 डिसेंबर रोजी सायंकाळी 5 वाजण्याच्या सुमारास सहदेव हे वडिलांसोबत मोटारसायकलवरून गावाकडे जात होते. वाटेत एका ठिकाणी दुचाकी चालवणाऱ्या वडिलांचे नियंत्रण सुटले आणि दुचाकी घसरली.
यात सहदेव डोक्याला मार लागला आणि गंभीर जखमी झाला. घटनास्थळी उपस्थित लोकांनी अॅम्ब्युलन्स बोलावून त्याला सुकमा येथील जिल्हा रुग्णालयात दाखल केले. सहदेवच्या डोक्याला चार टाके पडले आहेत. राज्याचे उत्पादन शुल्क व उद्योग मंत्री कावासी लखमा यांना अपघाताची माहिती मिळताच त्यांनी तात्काळ सुकमा जिल्हाधिकार्यांना सहदेवला उत्तम उपचार देण्याच्या सूचना दिल्या.
कावासी लखमा यांनी जगदलपूर मेडिकल कॉलेजच्या डॉक्टरांशीही चर्चा केली. न्यूरोलॉजिस्टशी बोलल्यानंतर सहदेवला जगदलपूरला रेफर करण्यात आले आहे. सुकमा जिल्ह्याचे एसपी सुनील शर्मा आणि जिल्हाधिकारी विनीत बंडनवार यांनीही सहदेवची प्रकृती जाणून घेण्यासाठी जिल्हा रुग्णालयात गेले होते.
सहदेव कसा प्रसिद्ध झाला?
2019 मध्ये सहदेवला त्याच्या शिक्षकाने गाणे गाण्यास सांगितले. जेव्हा मुलाने गाणे सुरू केले तेव्हा शिक्षकांनी ते रेकॉर्ड केले. आणि तो व्हिडिओ सोशल मीडियावर पोस्ट केले. त्यानंतर रॅपर बादशाहने या गाण्याचा व्हिडिओ बनवला आणि तो इन्स्टाग्रामवर टाकला. तेव्हापासून हे गाणे आगीसारखे सर्वत्र पसरले. त्यामुळे सहदेवचे नशीब एका रात्रीत बदलले. सहदेवचा तो व्हिडिओ इतका लोकप्रिय झाला आहे की राज्याचे मुख्यमंत्री भूपेश बघेल यांनी त्यांची भेट घेतली. त्याचे गाणे लाइव्ह ऐकले आणि त्याचे खूप कौतुक केले. रॅपर बादशाहनेही सहदेवसोबत ‘बचपन का प्यार’ हे गाणे अधिकृतपणे रिलीज केले. ज्याच्या म्युझिक व्हिडिओमध्ये बादशाह सहदेवसोबत होता.