पोलीस हतबल : शिवसैनिकांचा नवनीत राणांच्या घराबाहेर तुफान राडा 

मुंबई – खासदार नवनीत राणा (MP Navneet Rana) आणि आमदार रवि राणा (MLA Ravi Rana) यांनी आज मातोश्री (matoshree) बाहेर हनुमान चालीसा (hanuman Chalisa) पठण करण्याचा इशारा दिला असून आक्रमक शिवसैनिकांमुळे मुंबईतील वातावारण चांगलेच तापले आहे. आज नऊ वाजताच राणा यांच्या खार (Khar) येथील निवासस्थानाबाहेर गर्दी केलेले शिवसैनिक बॅरिकेट्स तोडून इमारतीत घुसले आहेत.

या शिवसैनिकांना रोखण्यात पोलीस सपशेल अपयशी ठरले. दरम्यान, नवनीत राणा आणि रवि राणा मातोश्री येथे जाण्याच्या भूमिकेवर ठाम असल्याची माहिती मिळत असून, सध्या शिवसैनिकांनी मातोश्री बरोबरच राणा यांच्या खार येथील बंगल्या बाहेरही गर्दी केली. गर्दी वाढत असून, पोलिसांचा फौजफाटा  त्या मानाने कमी आहे असं दिसतंय. सध्या राणा  यांच्या घराबाहेर शिवसैनिकांची घोषणाबाजी सुरु आहे. पोलीस सध्या हतबल झाल्याचे दिसत असून  शिवसैनिकांनी राणा दाम्पत्याच्या खार येथील घराला वेढा घातला.

दुसऱ्या बाजूला शुक्रवारी सकाळपासून पोलिसांबरोबरच शिवसैनिकही मातोश्री बाहेर पहारा देत आहेत. मातोश्री बाहेर हनुमान चालीसा पठणाच्या भूमिकेवर राणा दाम्पत्य ठाम असून, मुख्यमंत्र्यांना दिलेलं आव्हान पुर्ण करणार का? याकडे सगळ्यांचं लक्ष लागलं आहे.