राम मंदिर प्राणप्रतिष्ठेचा भारताबाहेरही जल्लोष; दक्षिण आफ्रिकी क्रिकेटर म्हणाला, ‘मी प्रार्थना करतो…’

By Shweta Chidmalwad On Jan 22, 2024

Ram Mandir Ayodhya : अयोध्येत आज होत असलेल्या श्रीराम मूर्ती प्राणप्रतिष्ठा सोहळ्यानिमित्त देशभरात प्रचंड उत्साह दिसून येत आहे. घरोघरी श्रीरामाचे चित्र असलेले आकाशकंदिल; भगवे ध्वज लावण्यात आले आहेत. चौकाचौकांतही भगव्या पताकांच्या माळा, श्रीरामांचं भव्य आकर्षक चित्र, विद्युत रोषणाई असं उत्सवी वातावरण कालपासूनच दिसत आहे.

अयोध्येतील राम मंदिराचा अभिषेक सोहळा आज सोमवारी पार पडणार आहे. या विशेष सोहळ्यानिमित्त संपूर्ण देशात जल्लोषाचे वातावरण आहे. देशभरातील अभिनेते, क्रिकेटपटू आणि राजकारणी राम मंदिर सोहळ्याचा आनंद व्यक्त करत आहेत. राम मंदिराच्या उभारणीबद्दल भारतातच नाही तर परदेशातही आनंद व्यक्त होत आहे. अशा परिस्थितीत दक्षिण आफ्रिकेचा स्टार क्रिकेटर केशव महाराज (Keshav Maharaj) यानेही एक व्हिडिओ जारी करून या सोहळ्याचा आनंद व्यक्त केला आणि भारतीय जनतेला शुभेच्छा दिल्या.

Looking forward to the opening of the Ram Mandir in Ayodhya. May it bring peace and enlightenment to one and all. 🙏 @MaheshIFS pic.twitter.com/P8TGT8tteX

— Keshav Maharaj (@keshavmaharaj16) January 21, 2024

केशव महाराजने सोशल मीडियावर एक व्हिडिओ ट्विट केला आणि लिहिले, ‘मी प्रार्थना करतो की सर्वत्र शांतता, सद्भावना आणि आध्यात्मिक जागृती नांदत राहो.’ याशिवाय दक्षिण आफ्रिकेत राहणाऱ्या भारतीय समुदायाच्या वतीने त्याने या विशेष प्रसंगी अभिनंदन केले आणि जय श्री रामचा नारा दिला.