लाजवाब! आता चंद्र-ताऱ्यांच्या साक्षीने करा लग्न, धरतीपासून दूर अंतराळात विवाह करणे झालंय शक्य
Wedding In Space: आयुष्यात लग्न फक्त एकदाच होते… अनेकांसाठी ती खूप सामान्य गोष्ट असते तर काहींसाठी ते स्वप्न सत्यात उतरण्यासारखे असते. काहींना अगदी सोप्या पद्धतीने सात फेरे घेणे आवडते, तर काहींना जगाच्या लक्षात राहावे असे लग्न करण्याची इच्छा असते. तुम्हालाही तुमचा विवाह संस्मरणीय बनवायचा असेल, तर अमेरिकेची एक स्पेस ट्रॅव्हल कंपनी तुम्हाला अंतराळात लग्न करण्याची संधी देत आहे. मात्र, यासाठी फीसही निश्चित करण्यात आले आहे आणि यासाठी आधी बुकिंग करावे लागेल. डेस्टिनेशन वेडिंग, बीच वेडिंग याशिवाय आता स्पेस वेडिंगचा (Space Wedding) फॉर्म्युला जगात लोकप्रिय होत आहे.
अंतराळात लग्न करण्यासाठी मोठी वेडिंग लिस्ट
स्पेस कंपनी स्पेस पर्स्पेक्टिव्हने प्रेमी जोडप्यांसाठी पहिल्यांदाच स्पेस वेडिंग घेऊन येत असल्याचे जाहीर केले आहे. त्यांची मागणीही गगनाला भिडत आहे. अंतराळात लग्न करण्यासाठी उत्सुक असणाऱ्या जोडप्यांनी प्रतीक्षा यादी भरलेली आहे, ज्यांना त्यांचे लग्न जगाच्या बाहेरच्या ठिकाणी करायचे आहे जिथे चंद्र आणि ताऱ्यांशिवाय काहीही नाही. अंतराळात जाणाऱ्या या बलूनमध्ये नेपच्यून कॅप्सूल आहे, ज्यामध्ये जोडपे बसून वरून पृथ्वीच्या सौंदर्याचा आनंद घेऊ शकतात.
स्पेस वेडिंगसाठी बुकिंग करता येईल
स्पेस पर्स्पेक्टिव्हचे सह-संस्थापक जेन पॉयंटर म्हणाले की, आम्ही याबाबत चौकशी सुरू केली आहे. आमच्याकडे आधीपासूनच असे लोक आहेत ज्यांना अंतराळात प्रथम लग्न करायचे आहे, म्हणून आम्ही पहिले कोण असेल ते पाहू. नेपच्यून अंतराळयान ताशी 12 मैल वेगाने अंतराळातून प्रवास करण्यासाठी डिझाइन केलेले आहे. जे वैद्यकीयदृष्ट्या तंदुरुस्त आहेत ते यावर बुकिंग करू शकतात. कंपनीच्या वेबसाइटवर जाऊन थेट बुकिंग करता येते.
या सुविधा उपलब्ध होणार आहेत
कंपनीचे प्रत्येक फ्रिफ्ट्स हायड्रोजनने भरलेल्या स्पेसबलूनद्वारे समर्थित आहे. ते ताशी 19 किमी अंतराळात जाते. यात बार, अल्पोपहार, वाय-फाय, टॉयलेटसह फ्लोटिंग लाउंज यांसारख्या सुविधा आहेत. तुम्हालाही तुमचे लग्न संस्मरणीय बनवण्यासाठी अंतराळात जायचे असेल, तर तुम्हाला एका सीटसाठी 1 कोटींहून अधिक पैसे मोजावे लागतील. त्याचा प्रवास सुरक्षित आणि आरामदायी असेल असा कंपनीचा दावा आहे.