Ram Mandir | मंदिरात रामाची मूर्ती असणार की, नाही? याची उद्धव ठाकरेंना चिंता

“अयोध्येत प्रभू श्री राम मंदिराच्यावरती बाबरी मशिद बांधण्यात आली होती. तसेच, सोमनाथाच्या मंदिराचं अनेकवेळा विध्वंस करण्यात आला होता. सरदार वल्लभभाई पटेल यांनी पुढाकार घेऊन सोमनाथाच्या मंदिराचं पुर्ननिर्माण केलं. मात्र, सोमनाथ मंदिराच्या प्राण प्रतिष्ठापण सोहळ्याला वल्लभभाई पटेल यांचं निधन झालं होतं. तेव्हा सोमनाथ मंदिराच्या प्राण प्रतिष्ठापण सोहळ्याला तत्कालीन राष्ट्रपती डॉ. राजेंद्र प्रसाद यांना आमंत्रित केलं होतं. त्यांच्या हस्ते प्राण प्रतिष्ठापणा झाली होती,” असं उद्धव ठाकरेंनी म्हटलं.

“वर्षानुवर्षे प्रभू श्री राम मंदिरासाठी चाललेल्या लढ्याला अंतिमत: सर्वोच्च न्यायालयात न्याय मिळाला. श्री राम प्राण प्रतिष्ठापण सोहळा हा देशाच्या अस्मितेचा प्रश्न आहे. या सोहळ्याला राष्ट्रपती द्रौपदी मूर्मू यांना आमंत्रण द्यावं आणि प्राण प्रतिष्ठापणा त्यांच्या हस्ते व्हावी. केंद्र सरकार राष्ट्रपतींना आमंत्रण देईल का माहिती नाही. पण, २२ जानेवारीला काळाराम मंदिरात येण्यासाठी राष्ट्रपती द्रौपदी मुर्मू यांना आमंत्रित करत आहोत,” असं उद्धव ठाकरेंनी सांगितलं.