World Cup 2023: टीम इंडियाला कंबर कसून करावी लागणार तयारी! सेमी फायनलसाठी न्यूझीलंडने बनवलाय खतरनाक प्लॅन

By azad desk On Nov 11, 2023

Trent Boult Statement: सध्याची समीकरणे भारत आणि न्यूझीलंड (IND vs NZ) यांच्यात मुंबईत होणाऱ्या विश्वचषक उपांत्य फेरीकडे बोट दाखवत असून रोहित शर्माच्या संघाची (Rohit Sharma) आक्रमक वृत्ती आपल्या संघाला यजमानांना पराभूत करण्याची संधी देऊ शकेल, असा आशावाद वेगवान गोलंदाज ट्रेंट बोल्ट (Trent Boult) याने गुरुवारी व्यक्त केला. न्यूझीलंडने श्रीलंकेवर पाच गडी राखून विजय मिळवून उपांत्य फेरीत प्रवेश करण्यासाठी स्वत:ला अतिशय अनुकूल स्थितीत ठेवले आहे. साखळी टप्प्यातील सर्व सामने खेळल्यानंतर, न्यूझीलंडचे 10 गुण आहेत आणि त्यांची निव्वळ धावगती 0.743 अधिक आहे.

भारताला पराभूत करण्यासाठी बोल्टने ही धोकादायक योजना सांगितली
सामन्यानंतर ट्रेंट बोल्ट म्हणाला, ‘ते (भारत) सकारात्मक क्रिकेट खेळत आहेत आणि मला वाटते की मोठे फटके खेळण्याने संधी मिळते, पण आम्ही त्या खेळाला कसे सामोरे जाऊ याविषयी आम्ही खूप स्पष्ट आहोत.’ उपांत्य फेरीत भारताचा सामना त्यांच्या भूमीवर. मँचेस्टरमध्ये दोन संघांमधील 2019 च्या उपांत्य फेरीची ही पुनरावृत्ती होईल जिथे न्यूझीलंडने 18 धावांनी विजय मिळवला.

‘भारताशी रोमांचक स्पर्धा होणार’
ट्रेंट बोल्ट म्हणाला, ‘मला वाटते की हे खूप रोमांचक असेल आणि मी म्हटल्याप्रमाणे, दीड अब्ज लोकांसमोर भारताशी स्पर्धा करण्यापेक्षा ते मोठे असू शकत नाही. यजमान देशाविरुद्ध मैदानावर उतरणे; त्यातही जर तो संघ विजयपथावर असेल आणि चांगले क्रिकेट खेळत असेल तर त्यांच्याशी स्पर्धा करण्याची मजा निराळीच असते.

न्यूझीलंडने लीग स्टेजमध्ये एकदाच भारताचा सामना केला आहे. धर्मशाला येथे 274 धावांच्या लक्ष्याचा पाठलाग करताना भारताने चार गडी राखून विजय मिळवला. बोल्ट भूतकाळात राहत नाही पण उपांत्य फेरीत दोन्ही संघ आमनेसामने आले तर भारताविरुद्ध खेळण्याचा अनुभव त्याला उपयोगी पडेल, असे तो म्हणाला.