“माझ्या बायकोला कळाले तर ती मला मारून टाकेल”, केएल राहुलने अथियापासून लपवली ही गोष्ट

By Shweta Chidmalwad On Jan 2, 2024

KL Rahul: भारतीय क्रिकेट संघाचा यष्टीरक्षक फलंदाज केएल राहुल (Indian Cricketer KL Rahul) सध्या जबरदस्त फॉर्ममध्ये आहे. राहुलने सध्याच्या दक्षिण आफ्रिका दौऱ्यावर पहिल्या कसोटी सामन्याच्या पहिल्या डावात उत्कृष्ट शतक झळकावले होते. गेल्या वर्षी दुखापती आणि पुनर्वसनामुळे राहुल अनेक सामने खेळू शकला नव्हता. उजव्या हाताच्या यष्टीरक्षकाने सांगितले आहे की त्याची बॉलिवूड पत्नी अथिया शेट्टीने (Athiya Shetty) त्याचे मनोबल कसे वाढवले आणि कठीण काळात त्याला साथ दिली.

IPL 2023 मध्ये राहुलला मांडीच्या दुखापतीमुळे त्रास झाला होता. त्याच्यावर नंतर शस्त्रक्रियाही करावी लागली. दुखापतीतून सावरणे आणि मैदानात परतणे राहुलसाठी सोपे नव्हते. मात्र, त्याने कठीण प्रसंगावर मात करत आशिया कप 2023 मध्ये पाकिस्तानविरुद्ध शतक झळकावून पुनरागमन केले. यानंतर त्याने एकदिवसीय विश्वचषकातही चमकदार कामगिरी केली.

31 वर्षीय केएल राहुलने वर्ल्ड कपमध्ये 452 धावा केल्या होत्या. राहुल म्हणाला की, अथियाने मला कठीण काळात पूर्ण साथ दिली. ती नेहमी माझ्या सोबत राहायची पण कधी कधी ती जास्तच निराश व्हायची आणि रागावायची. राहुलने स्टार स्पोर्ट्सला सांगितले की, ‘ती माझ्यासोबत होती. प्रत्येक गोष्टीत ती माझ्यासोबत असायची. बहुतेक वेळा ती माझ्यापेक्षा जास्त निराश आणि रागावलेली असायची. मी नेहमी तिला इतर कोणत्याही गोष्टीपेक्षा शांत ठेवण्याचा प्रयत्न केला. जरी तिने मला अशा परिस्थितीतून जाताना पाहण्याची ही पहिलीच वेळ होती.” अथिया शेट्टी अभिनेता सुनील शेट्टीची मुलगी आहे. बॉलिवूड अभिनेत्री अथियाने 2023 मध्ये क्रिकेटर केएल राहुलसोबत लग्न केले.

‘दुखापतीच्या वेळी मला नकारात्मकता जाणवत होती’
राहुल म्हणाला, ‘आम्हा दोघांसाठी हे अवघड होते. पण त्यामुळे आम्हाला आवश्यक असलेला वेळही मिळाला. मला असे वाटले की मला पुन्हा त्याच प्रक्रियेकडे जावे लागेल. दुखापतीच्या वेळी, मला नकारात्मक वाटत होते, तरीही मी फक्त आनंदी राहिलो आणि आयुष्यातील छोट्या छोट्या गोष्टींचा आनंद घेतला आणि माझ्या पत्नी आणि कुटुंबासह घरी राहण्याचा आनंद घेतला. यामुळे मला बरे होण्यास आणि लवकर परत येण्यास मदत झाली.” यावेळी राहुलने एक मनोरंजक विधान केले. तो म्हणाला की जेव्हा तो मैदानावर पाऊल ठेवतो तेव्हा तो आपल्या पत्नीचा विचार करत नाही. त्यावेळी त्याचे संपूर्ण लक्ष त्याच्या खेळावर असते.

‘मैदानावर पाऊल ठेवताना बायकोचा विचार करत नाही’
केएल राहुलच्या म्हणण्यानुसार, ‘अथिया हे ऐकून मला मारून टाकेल, पण जेव्हा मी मैदानावर पाऊल ठेवतो तेव्हा मी तिच्याबद्दल विचार करत नाही. त्यावेळी माझे लक्ष फक्त क्रिकेटवर असते. मला हे अनरोमँटिक पद्धतीने म्हणायचे नाही. ती माझ्यासाठी तिचे आयुष्य बलिदान देते आणि माझ्यावर खूप प्रेम करते.’ राहुल टीम इंडियाच्या एकदिवसीय आणि कसोटी संघाचा महत्त्वाचा भाग आहे. गेल्या काही महिन्यांपासून तो सातत्याने चांगली कामगिरी करत आहे.