‘चक दे इंंडिया’ सिनेमातील प्रसिद्ध अभिनेत्याचं निधन, बॉलीवूडवर पसरली शोककळा

By Shweta Chidmalwad On Sep 14, 2023

Rio Kapadia Death: हिंदी सिनेसृष्टीतील सुप्रसिद्ध अभिनेता रिओ कपाडिया आता राहिले नाहीत. बुधवारी, 13 सप्टेंबर रोजी या अभिनेत्याचे वयाच्या 66 व्या वर्षी निधन झाले. रिओ कपाडिया शाहरुख खानच्या चक दे इंडिया, हॅपी न्यू इयर आणि दिल चाहता है यासह अनेक बॉलिवूड चित्रपटांमध्ये दिसले होते. शोभिता धुलिपाला, अर्जुन माथूर, कल्की कोचलिन आणि जिम सरभ यांच्या मुख्य भूमिका असलेल्या प्राइम व्हिडिओच्या नुकत्याच प्रदर्शित झालेल्या ‘मेड इन हेवन 2’ वेब सीरिजमध्ये ते शेवटचे दिसले होते.

रिओ कपाडिया यांच्या निधनाच्या वृत्ताला त्यांचा मित्र फैसल मलिक याने दुजोरा दिला आहे. रिओ आता या जगात नाही, अशी माहिती त्यांनी इंडिया टुडेला दिली. त्यांच्या निधनाची बातमी इंडस्ट्रीसाठी मोठा धक्का आहे. रिओच्या मृत्यूचे कारण अद्याप समजू शकलेले नाही. याशिवाय अभिनेत्याच्या कुटुंबीयांनी अद्याप त्यांच्या आकस्मिक निधनाबद्दल कोणतेही वक्तव्य जारी केलेले नाही.

गुरुवारी दुपारी 12.30 वाजता रिओने अखेरचा श्वास घेतला. अभिनेत्याच्या निधनाची बातमी समोर आल्यानंतर मनोरंजन जगतातील अनेक स्टार्सनी सोशल मीडियाच्या माध्यमातून दिवंगत अभिनेत्याला श्रद्धांजली वाहिली आहे. कुटुंबाबद्दल सांगायचे तर, रिओच्या पश्चात पत्नी मारिया फराह आणि दोन मुले अमन आणि वीर आहेत.

https://youtu.be/igs_KEHGv_g?si=93eBUKyMvxt2A_6b