Deepfake AI Scam: व्हॉट्सअॅपवर न्यूड व्हिडिओ पाठवून कोणी तुम्हाला ब्लॅकमेल करत असेल तर न घाबरता इथे तक्रार करा
Deepfake AI Scam: डीपफेकचा मुद्दा अधिकाधिक तापत चालला आहे. दररोज कोणत्या ना कोणत्या बॉलिवूड स्टार किंवा राजकारण्यांचा डीपफेक व्हिडिओ व्हायरल होत आहे. केवळ सेलिब्रिटीच नाही तर सर्वसामान्य लोकही डीपफेक तंत्रज्ञानाचे बळी ठरतात. सायबर गुन्हेगार आर्टिफिशियल इंटेलिजन्स (AI) च्या मदतीने लोकांचे डीपफेक फोटो आणि व्हिडिओ तयार करतात. व्हॉट्सअॅपवर त्यांचे नग्न फोटो आणि व्हिडिओ पाठवून लोकांना ब्लॅकमेल केले जाते. सायबर फसवणूक करणारे निरपराध लोकांना नग्न व्हिडिओ व्हायरल करण्याची धमकी देतात आणि ते हटविण्याच्या बदल्यात पैसे मागतात.
जर कोणी तुमचा न्यूड व्हिडिओ (Nude Video) बनवून तुम्हाला व्हॉट्सअॅपवर ब्लॅकमेल करत असेल तर तुम्ही सायबर क्राईम हेल्पलाइनची (Cyber Crime Helpline) मदत घ्यावी. भारत सरकारने सायबर गुन्हेगारांवर कारवाई करण्यासाठी सायबर गुन्हे हेल्पलाइन पोर्टल तयार केले आहे. येथे जाऊन तुम्ही सायबर फसवणूक करणाऱ्यांविरोधात तक्रार नोंदवू शकता. सायबर गुन्ह्यांशी संबंधित प्रकरणांमध्ये तक्रार कशी नोंदवायची ते पाहू.
सायबर सेलकडे तक्रार करा
तुम्हाला ब्लॅकमेल करणाऱ्या सायबर गुन्हेगाराविरुद्ध तुम्ही सायबर क्राईम पोर्टलवर तक्रार नोंदवू शकता.
तक्रार नोंदवण्यासाठी सायबर क्राईम हेल्पलाइन पोर्टलवर जावे लागेल.
या पोर्टलवर खाते तयार करण्यासाठी, नोंदणी प्रक्रियेचे अनुसरण करा. खाते तयार केल्यानंतर लॉग इन करा.
तक्रार दाखल करताना, घटनेची तारीख आणि वेळेचा तपशील नमूद करा. याशिवाय, व्हिडिओ आणि स्क्रीनशॉटसारखे पुरावे देखील अपलोड करा.
याप्रमाणे तक्रारीची स्थिती तपासा
सायबर क्राईम पोर्टलवर तक्रार नोंदवल्यानंतर एक पावती क्रमांक तयार होईल. हा नंबर तुमच्याकडे सुरक्षित ठेवा. येथे तुम्ही तुमच्या तक्रारीची स्थिती सहज पाहू शकता. यासाठी तुम्हाला Track Your Complaint या पर्यायावर जावे लागेल. येथे पावती क्रमांक लिहिल्यानंतर, OTP मिळवा वर टॅप करा.
तुमच्या नोंदणीकृत मोबाईल नंबरवर एक OTP येईल, तो टाकल्यानंतर सबमिट वर टॅप करा. तुमच्या तक्रारीची स्थिती येईल.
तुमचे नग्न फोटो आणि व्हिडिओ इंटरनेटवरून काढून टाका
तुमचे नग्न फोटो आणि व्हिडिओ इंटरनेटवरून काढून टाकण्यासाठी तुम्ही StopNCII.org वेबसाइटची मदत घेऊ शकता. या वेबसाइटला भेट देऊन तुमची केस नोंदवा. यासाठी तुम्हाला फॉर्ममध्ये काही तपशील द्यावा लागेल. कंपनीचा दावा आहे की ती परवानगीशिवाय इंटरनेटवर शेअर केलेले किंवा अपलोड केलेले फोटो आणि व्हिडिओ काढून टाकू शकते.
महत्वाच्या बातम्या-
‘मुस्लिम मुलाशी लग्न केल्यास हिंदू मुली त्यांचे हक्क गमावतील’, भाजप नेत्याचे वादग्रस्त विधान
Cyclone Michaung चा हाहाकार, चेन्नईत पाच जणांचा मृत्यू; एअरफील्ड बंद
अफेअरच्या चर्चांदरम्यान जान्हवी कपूरचं बड्या नेत्याच्या नातवाबरोबर महाकाल दर्शन – Video