100 दिवसात एनडीएला 400 जागा कशा मिळतील? पीएम मोदींनी भाजप नेत्यांना फॉर्म्युला सांगितला

By Shweta Chidmalwad On Feb 19, 2024

Loksabha Elections 2024: भारतीय जनता पक्षाच्या (BJP) नेतृत्वाखालील NDA ने लोकसभा निवडणूक 2024 साठी पूर्ण तयारी केली आहे. सत्ताधारी आघाडीने सलग तिसऱ्यांदा सरकार स्थापन करण्याचे लक्ष्य ठेवले आहे. पीएम मोदींनी युतीसाठी 400 हून अधिक जागांचे लक्ष्य ठेवले आहे. त्यापैकी 370 जागांचे लक्ष्य एकट्या भारतीय जनता पक्षाचे आहे. पंतप्रधान नरेंद्र मोदी (PM Narendra Modi) यांनी यासाठी 100 दिवसांचा आराखडाही तयार केला आहे. भाजपच्या राष्ट्रीय अधिवेशन 2024 मध्ये बोलताना पंतप्रधान मोदींनी आपली योजना उघड केली. त्यासाठी त्यांनी महायुतीतील मित्रपक्षांना सूचनाही दिल्या. त्यांनी गेल्या 10 वर्षातील कामगिरी सांगून सर्वांना प्रोत्साहन दिले.100 दिवसांची योजना काय आहे?

लोकसभा निवडणुकीत एनडीएला 400 जागा जिंकण्याचे लक्ष्य गाठायचे असेल तर भाजपला 370 पेक्षा जास्त जागा जिंकाव्या लागतील, असे पंतप्रधान मोदी म्हणाले. प्रत्येक नवीन मतदाराला भेटून त्याला त्याच्याशी जोडणे हा पक्षाचा उद्देश असल्याचे ते म्हणाले.ते म्हणाले की, येत्या 100 दिवसांत पक्षाचे कार्यकर्ते प्रत्येक भागातील आणि समाजातील लोकांना भेटतील आणि त्यांचा विश्वास संपादन करतील. लोकांचा विश्वास संपादन करण्यासाठी सामूहिक प्रयत्नांवर त्यांनी भर दिला. यासोबतच सर्वांनी प्रयत्न केल्यास भाजप आजपर्यंतच्या सर्वात मोठ्या बहुमताने देशाची सेवा करू शकेल, असेही ते म्हणाले.