रोहितच्या होमग्राउंडवर भारताच्या हातून निसटणार सामना! वानखेडेवरील आकडे चिंताजनक

By azad desk On Nov 14, 2023

Wankhede Stadium Team India Stats: भारतीय संघाने साखळी टप्प्यात सलग 9 सामने जिंकून यावेळी सिद्ध केले आहे की ते विश्वचषक 2023 (World Cup 2023) जिंकण्याचे सर्वात मोठे दावेदार आहेत. रोहित शर्माच्या नेतृत्वाखालील भारतीय संघ आता 15 नोव्हेंबरला वानखेडे मैदानावर भारतीय संघाशी भिडणार आहे. विश्वचषक 2023चा पहिला उपांत्य सामना भारत आणि न्यूझीलंड (IND vs NZ) यांच्यात वानखेडेवर होणार आहे.

गेल्या विश्वचषकात भारताला उपांत्य फेरीत याच संघाविरुद्ध पराभव पत्करावा लागला होता आणि संघाचा प्रवास संपला होता, मात्र यावेळी भारताला मागील पराभवाचा बदला घेण्याची चांगली संधी आहे.

मात्र, रोहित शर्माचा घरच्या मैदानावरील रेकॉर्ड टीम इंडियाच्या बाजूने नाही. अशा परिस्थितीत उपांत्य फेरीच्या सामन्यापूर्वी भारताने वानखेडे मैदानावर आतापर्यंत किती सेमीफायनल खेळल्या आहेत आणि त्यांचा निकाल काय लागला? हे जाणून घेऊया.

वानखेडेवर आजपर्यंत भारताने उपांत्य फेरीचा सामना जिंकलेला नाही
खरे तर मुंबईतील वानखेडे स्टेडियमवर आजपर्यंत भारताने उपांत्य फेरीचा सामना जिंकलेला नाही. 1987 च्या विश्वचषकात प्रथमच या मैदानावर इंग्लंड विरुद्ध उपांत्य फेरीचा सामना झाला होता, तेव्हा भारत हा सामना 35 धावांनी हरला होता.

इंग्लंडच्या विजयात ग्रॅहम गूच आणि अॅडम हमिंग्ज यांनी 115 धावा आणि 4 बळी घेतले. यानंतर 1989 मध्ये नेहरू चषकाच्या उपांत्य फेरीत वेस्ट इंडिजने भारताचा आठ गडी राखून पराभव केला होता. तसेच, 2016 मध्ये टी20 वर्ल्ड कपची सेमीफायनलही याच मैदानावर खेळली गेली होती, जिथे वेस्ट इंडिजने 7 विकेट्सने विजय मिळवला होता. मात्र 2011 मध्ये याच मैदानावर भारताने श्रीलंकेचा पराभव करून विश्वचषक जिंकला होता.

वर्ल्ड कप सेमीफायनलमध्ये टीम इंडिया आणि न्यूझीलंडचा विक्रम
तसेच, 1985 च्या वर्ल्ड चॅम्पियनशिपमध्ये भारताने न्यूझीलंडचा 7 गडी राखून पराभव केला आणि वर्ल्ड कप 2019 मध्ये न्यूझीलंडने 18 धावांनी विजय मिळवला.