अभिनेत्रीची शमीला लग्नाची मागणी, पहिली पत्नी हसीन जहाँ म्हणाली, ‘प्रसिद्ध व्यक्तींसोबत…’

By Shweta Chidmalwad On Nov 21, 2023

Payal Ghosh On Mohammad Shami: ‘शमी, तू तुझे इंग्रजी सुधार, मी तुझ्याशी लग्न करायला तयार आहे’. ही पोस्ट करून 34 वर्षीय साऊथ अभिनेत्री पायल घोष चर्चेत आली. पायलने क्रिकेटर मोहम्मद शमीला उघडपणे लग्नाचा प्रस्ताव ठेवला होता. गोलंदाज मोहम्मद शमीची 2023 च्या विश्वचषक स्पर्धेतील कामगिरी उत्कृष्ट होती आणि त्याने आपल्या खेळाने सर्वांना प्रभावित केले. अशा परिस्थितीत पायलने जेव्हा शमीसमोर लग्नाचा प्रस्ताव ठेवला तेव्हा सर्वांनीच त्याची चर्चा सुरू केली. विश्वचषकात भारताच्या पराभवानंतर पायलने पुन्हा एकदा पोस्ट केली आहे.

पायल घोषने ट्वीट केलं आहे. पुढचे 6 महिने माझ्यासाठी क्रिकेट खेळू नकोस, असं पायलने म्हटलं आहे. दरम्यान, नेटकऱ्यांनी पायलच्या ट्वीटचा संबंध मोहम्मद शमीशी जोडला आहे.

यावर आता शमीची पहिली पत्नी हसीन जहाँ हिने प्रतिक्रिया दिली आहे. पायल घोषने शमीला दिलेल्या लग्नाच्या प्रस्तावावर हसीन जहाँ म्हणाली- ‘प्रसिद्ध व्यक्तींसोबत या गोष्टी घडत असतात. ही खूप सामान्य गोष्ट आहे. मी यावर भाष्य करू इच्छित नाही.” याआधी हसीन जहाँने मोहम्मद शमीवर आरोप केला होता की, त्याला आयुष्यात एक करोडपती अभिनेत्री हवी आहे. याच कारणामुळे तो तिला त्रास देत असे आणि या काळात तिने आपल्या मुलीचा विचारही केला नाही.