Pune Crime | शरद मोहोळच्या पत्नी स्वाती मोहोळ यांना धमकी देणारा आरोपी ससून मधून फरार

By azad desk On Feb 11, 2024

Pune Crime | शरद मोहोळची पत्नी स्वाती मोहोळ (Swati Mohol) यांना धमकावल्या प्रकरणी अटक आरोपी मार्शल लुईस लिलाकर (Marshall Louis Lilakar) वैद्यकीय चाचणीसाठी ससून रुग्णालयात आणण्यात आले असताना पळून गेला. (Pune Crime)

सोशल मीडियावर रील्स आणि कमेंट करून शरद मोहोळची पत्नी स्वाती मोहोळ यांना मार्शल लुईसने धमकावले (Pune Crime) होते. या प्रकरणी लिलाकरला पोलिसांनी अटक केली होती. अटकेनंतर त्याच्या वैद्यकीय तपासणीसाठी ससून रुग्णालयात आणले होते. त्यावेळी तो पोलिसांच्या तावडीतून निसटून पळून गेला.

सायबर पोलीस स्टेशनमध्ये मार्शलवर गुन्हा दाखल झाला होता. त्याला ९ फेब्रुवारी रोजी अटक केली होती. पहाटे छातीत दुखत असल्याचं सांगितल्यानंतर त्याला उपचारासाठी ससून रुग्णालयात आणण्यात आलं होतं. सायबर स्टाफच्या मदतीने त्याला ससून रुग्णलायत आणले होते. तिथे ओपीडीमधून सकाळी ८ वाजण्याच्या सुमारास मार्शल पळून गेला.