‘चॅनेलचे माईक चालू असतात हे भान ठेवून…’, मराठा आंदोलनावरून राज ठाकरेंचा शिंदे सरकारला सल्ला
Maratha Reservation: महाराष्ट्रात सध्या मराठा आरक्षणाचा मुद्दा तापलेला आहे. अशातच नुकताच मुख्यमंत्री एकनाथ शिंदे (CM Eknath Shinde), उपमुख्यमंत्री अजित पवार (Ajit Pawar) आणि देवेंद्र फडणवीस (Devendra Fadnavis) यांचा एक व्हिडिओ व्हायरल झाला, ज्यामध्ये मुख्यमंत्री उपमुख्यमंत्र्यांना आपण फक्त बोलून निघायचं का? असा प्रश्न विचारत आहेत. दरम्यान या मुद्द्यावर राज ठाकरेंनीही (Raj Thaackeray) व्हायरल व्हिडीओवरुन सरकारला सल्ला दिला आहे.
राज ठाकरे यांनी ट्वीटमध्ये म्हटलंय की, मनोज जरांगे पाटील ह्यांचं मराठा आरक्षणासाठी गेले १७ दिवस जे उपोषण सुरु होतं ते त्यांनी मागे घेतलं, ही समाधानाची बाब. मुख्यमंत्री एकनाथ शिंदे यांनी मध्यस्थी करून तोडगा काढला हे बरं झालं. पण हे उपोषण सोडवताना सरकारकडून कोणतीही पूर्ण न होऊ शकणारी आश्वासनं दिली गेलेली नाहीत, अशी मी आशा करतो.