Rohit Sharma | अचानक ‘तो’ धावत आल्याने रोहित मागे सरकला, घाबरतच मिठीही मारली, मैदानात नेमकं काय घडलं?

By azad desk On Apr 2, 2024

Rohit Sharma Fan Viral Video | वानखेडे मैदानावरील सुरक्षा कवच तोडून एक चाहता रोहित शर्माला भेटण्यासाठी पोहोचला. चाहत्याला अचानक त्याच्याकडे धावताना पाहून हिटमॅन एकदम घाबरला. चाहत्याने बळजबरी केल्यावर रोहितने त्याला घाबरून मिठी मारली. मुंबई इंडियन्सच्या माजी कर्णधारासोबत ही घटना राजस्थान रॉयल्सविरुद्धच्या सामन्यात घडली. त्याचा व्हिडिओ सोशल मीडियावर मोठ्या प्रमाणात व्हायरल होत आहे.

BHAI YEA SAB KYA HORA HAI YAHAN …#ipl #matchinterupp #crazyfan #mivsrr pic.twitter.com/SrAYGVNcBg

— SouL Mayavi (@soul_mayavi) April 1, 2024

फॅनला पाहून रोहित घाबरला
वास्तविक रोहित शर्मा (Rohit Sharma) स्लीपवर क्षेत्ररक्षण करत होता आणि त्याचे लक्ष पूर्णपणे सामन्यावर होते. तेवढ्यात अचानक रोहितच्या मागून एक चाहता धावत आला. हिटमॅन मागे वळल्यावर चाहत्याला पाहून घाबरला.

रोहितने पावले मागे घेतली, पण चाहत्याच्या सांगण्यावरून तो त्याला मिठीत घेण्यास तयार झाला. चाहत्याला मिठी मारताना रोहितच्या चेहऱ्यावर भीती स्पष्ट दिसत होती. रोहितनंतर चाहत्याने ईशान किशनचीही भेट घेतली आणि त्यालाही मिठी मारली. अलीकडेच असाच एक चाहता विराट कोहलीला मधल्या मैदानावर भेटायला आला होता.