‘बोरू बहाद्दर कारकून आणि ‘ढ’ टीम चे कप्तान तोंडावर आपटले’
मुंबई : राज्यसभा निवडणुकीत महाविकास आघाडीचे (MVA) तीन उमेदवार विजयी झाले आहे. तर भाजपचे तीन उमेदवार विजयी झाले आहे. पण, या निवडणुकीत महाविकास आघाडीला धक्का बसला आहे. कारण, महाविकास आघाडीची अनेक मते फुटली असल्याचे समोर आले आहे. या निवडणुकीत भाजपने केलेली खेळी यशस्वी झाली असून सहाव्या जागेवर भाजपच्या धनंजय महाडिकांचा विजय झाला आहे. विरोधीपक्ष नेते देवेंद्र फडणवीस यांनी खेळलेल्या खेळीला यश आले आहे.
शिवसेनेच्या उमेदवाराच्या पराभवानंतर आता विरोधकांच्या निशाण्यावर शिवसेना आली आहे. मनसेचे नेते संदीप देशपांडे यांनी योगेश खैरे यांनी यावरून सेनेला डिवचले आहे. देशपांडे म्हणाले, शिवसेना ही महाविकास आघाडीतील "ढ"टीम आहे हे पुन्हा एकदा सिद्ध झालं. बोरू बहाद्दर कारकून आणि ‘ढ’ टीम चे कप्तान तोंडावर आपटले.
शिवसेना ही महाविकास आघाडीतील "ढ"टीम आहे हे पुन्हा एकदा सिद्ध झालं. बोरू बहाद्दर कारकून आणि "ढ" टीम चे कप्तान तोंडावर आपटले.
— Sandeep Deshpande (@SandeepDadarMNS) June 11, 2022
तर मनसेचे नेते योगेश खैरे म्हणाले, संभाजीनगरमधे एमआयएमची स्क्रिप्ट वाचली…. त्यांच्या नाकदुऱ्या काढून त्यांची मतं मिळवली… या ‘हिंदुत्वविरोधी’ एमआयएम – सपा पक्षांशी हातमिळवणी केली… एवढं करूनही विजय मिळालाच नाही. एका राज्यसभा जागेसाठी आपण काय पणाला लावत आहोत याचं भान ठेवायला पाहिजे होतं !! असं खैरे यांनी म्हटले आहे.
संभाजीनगरमधे एमआयएमची स्क्रिप्ट वाचली…. त्यांच्या नाकदुऱ्या काढून त्यांची मतं मिळवली… या 'हिंदुत्वविरोधी' एमआयएम – सपा पक्षांशी हातमिळवणी केली…
एवढं करूनही विजय मिळालाच नाही !एका राज्यसभा जागेसाठी आपण काय पणाला लावत आहोत याचं भान ठेवायला पाहिजे होतं !!
— Yogesh Khaire योगेश खैरे (@YogeshKhaire79) June 11, 2022