‘हे’ दोन गुण असणाऱ्या मुलाशी Smriti Mandhana ला करायचंय लग्न, नॅशनल क्रशने सांगितली आवड

Smriti Mandhana : भारतीय महिला क्रिकेटपटू स्म्रीती मंधाना हिचा चाहतावर्ग मोठा आहे. क्रिकेटमध्ये निपुण असण्याबरोबरच स्म्रीती दिसायलाही देखणी आहे. त्यामुळे तिला क्रिकेट विश्वातील नॅशनल क्रश म्हटले जाते. गेल्या काही काळापासून तिचं नाव संगीतकार पलाश मुच्छालशी जोडलं जात आहे. मात्र आयुष्याचा जोडीदार म्हणून कोणत्या व्यक्तीची निवड करणार, याचा खुलासा तिने नुकताच अमिताभ बच्चन यांच्या ‘कौन बनेगा करोडपती 15’ या शोमध्ये केला.

शोदरम्यान प्रेक्षकांमधील एका तरुणाने स्म्रीतीला प्रश्न विचारला, “तुझे सोशल मीडियावर खूप फॉलोअर्स आहेत. भारतातील बहुतांश तरुण मुलं तुला फॉलो करतात. तर मग मला असा प्रश्न विचारायचा आहे की, तुला एका मुलामधले कोणते गुण आवडतात?” हा प्रश्न ऐकताच सूत्रसंचालक बिग बी हसू लागतात आणि त्याला विचारतात, “तुझं लग्न झालं आहे का?” त्यावर तो तरुण म्हणतो, “नाही झालं, म्हणूनच हा प्रश्न विचारला आहे.”