धक्कादायक! प्रसिद्ध अभिनेत्याच्या मुलीने वयाच्या अवघ्या १६व्या वर्षी संपवलं आयुष्य

By Shweta Chidmalwad On Sep 19, 2023

Vijay Antony Daughter : दाक्षिणात्य सिनेसृष्टीतून एक अतिशय धक्कादायक बातमी आली आहे. प्रसिद्ध तमिळ संगीतकार व अभिनेता विजय अँटोनीची १६ वर्षीय मुलगी मीरा हिने आत्महत्या केली आहे. निर्माता विजय अँटोनीची मुलगी मीरा हिने आज १९ सप्टेंबरच्या पहाटे आत्महत्या केल्याची घटना घडली आहे. या बातमीने संपूर्ण इंडस्ट्रीला मोठा धक्का बसला आहे.

माध्यमांतील वृत्तांनुसार, मंगळवारी पहाटे चेन्नई तेनमपेट येथील त्यांच्या राहत्या घरी मीराने पहाटे ३ च्या सुमारास आत्महत्या केली. चेन्नईतील एका खासगी शाळेत ती इयत्ता १२वीत शिकत होती. विजय अँटोनी आणि त्यांची पत्नी फातिमा यांना मीरा आणि लारा या दोन मुली होत्या.

Woke up to this shocking news! Deepest condolences Vijay Antony Saar and family 🙏🏽 RIP Meera

— venkat prabhu (@vp_offl) September 19, 2023

घरातील मदतनीसला मीरा तिच्या खोलीत गळफास घेतलेल्या अवस्थेत आढळली, त्यानंतर तिला चेन्नईतील रुग्णालयात नेण्यात आले. मात्र, तिची तपासणी करणाऱ्या डॉक्टरांनी तिचा आधीच मृत्यू झाल्याचं सांगितलं.