वर्ल्डकपसाठी टीम इंडियात बदल होऊ शकतो, अश्विनच्या एन्ट्रीचे अपडेट आले समोर

By Shweta Chidmalwad On Sep 15, 2023

Ravi Ashwin: 2023 च्या एकदिवसीय विश्वचषक (ODI World Cup 2023) स्पर्धेसाठी टीम इंडियाच्या (Team India) 15 खेळाडूंच्या नावांची घोषणा करण्यात आली तेव्हा त्यात अनुभवी ऑफस्पिनर रविचंद्रन अश्विनच्या नावाचा समावेश नव्हता. आता अश्विनने सोशल मीडियावर एक व्हिडिओ शेअर केला आहे, ज्यामध्ये तो राष्ट्रीय क्रिकेट अकादमी (NCA) मध्ये पांढऱ्या चेंडूने सराव करताना दिसत आहे. यावेळी त्यांच्यासोबत एनसीएचे प्रमुख व्हीव्हीएस लक्ष्मण (VVS Laxman) आणि एनसीएचे फिरकी प्रशिक्षक साईराज बहुतुले हेही दिसले.

रविचंद्रन अश्विनने गेल्या वर्षी T20 विश्वचषकात पांढऱ्या चेंडूच्या क्रिकेटमध्ये भारतीय संघासाठी शेवटचा सामना खेळला होता. तेव्हापासून तो मर्यादित षटकांच्या संघाचा भाग बनू शकला नाही. सोशल मीडियावर व्हिडिओ पोस्ट करण्यासोबतच अश्विनने लिहिले की, माझा दिवस खूप छान होता. तुम्हाला सतत काहीतरी नवीन शिकावे लागते आणि ते एक कौशल्य देखील आहे. व्हीव्हीएस लक्ष्मण व साईराज बहुतुले यांनी आभार मानले.

रवी अश्विनने नुकतेच त्याच्या यूट्यूब चॅनलवर सांगितले होते की, मी गेल्या 14 ते 15 वर्षांपासून भारतीय संघाकडून खेळत आहे. या काळात मी चांगले आणि वाईट दोन्ही काळ पाहिले आहेत. संघाला कधी माझी गरज भासली तर मी माझे 100 टक्के देण्यास सदैव तयार आहे. २०११ मध्ये भारतीय संघाने महेंद्रसिंग धोनीच्या नेतृत्वाखाली वनडे विश्वचषक जिंकला , त्यावेळी अश्विनही संघाचा एक भाग होता.

https://youtu.be/igs_KEHGv_g?si=-dHV1iQBLGLbEBd_