घरगुती LPG सिलिंडर 400 रुपयांनी स्वस्त, 33 कोटी लोकांना महागाईपासून दिलासा

LPG Gas Cylinder Price: केंद्र सरकारने आजपासून म्हणजेच बुधवार, 30 ऑगस्ट 2023 पासून LPG LPG सिलेंडरची (14.2 kg) किंमत 400 रुपयांनी कमी केली आहे. सर्वसामान्यांना LPG सिलिंडर 200 रुपयांनी स्वस्त मिळणार आहे. त्याचवेळी, प्रधानमंत्री उज्ज्वला योजनेच्या लाभार्थ्यांना 400 रुपयांचा स्वस्त गॅस सिलिंडर मिळणार आहे. प्रधानमंत्री उज्ज्वला योजनेअंतर्गत 9.6 कोटी लाभार्थ्यांना 400 रुपयांचा स्वस्त स्वयंपाकाचा गॅस सिलिंडर मिळणार आहे. या योजनेत आणखी 75 लाखांची भर पडणार आहे. केंद्र सरकारच्या या सूटमुळे एकूण 33 कोटी एलपीजी सिलिंडर ग्राहकांना फायदा होणार आहे.

केंद्र सरकारच्या या घोषणेनंतर आता नवी दिल्लीत एलपीजी सिलिंडरची किंमत 1103 रुपयांवरून 903 रुपयांवर आली आहे. भोपाळमध्ये 908 रुपये, जयपूरमध्ये 906 रुपये. कोलकात्यात 1129 रुपयांवरून 929 रुपयांपर्यंत, मुंबईत त्याची किंमत 1102.50 रुपयांवरून 902.50 रुपये प्रति सिलेंडरवर आली आहे. त्याचप्रमाणे, चेन्नईमध्ये एलपीजी सिलेंडरची नवीन किंमत 1118.50 रुपयांवरून 918.50 रुपयांवर आली आहे.

केंद्रीय मंत्री अनुराग ठाकूर म्हणाले की, पंतप्रधान नरेंद्र मोदी यांनी ओणम आणि रक्षाबंधनाच्या सणाला भाव कमी करून बहिणींना मोठी भेट दिली आहे. या निर्णयामुळे 2023-24 या आर्थिक वर्षात सरकारवरील 7,680 कोटी रुपयांचा बोजा वाढणार आहे.

दरम्यान,  या वर्षी पाच राज्यांमध्ये विधानसभा निवडणुका होणार असून, त्यामध्ये राजस्थान आणि मध्य प्रदेशवर अधिक लक्ष केंद्रित केले जाणार आहे. हे पाहता मध्य प्रदेशातील काँग्रेसने एलपीजी स्वयंपाकाचा गॅस सिलिंडर ५०० रुपयांना देण्याचे आश्वासन दिले आहे. दुसरीकडे राजस्थानमध्ये ५०० रुपयांच्या गॅस सिलिंडरची योजना लागू करण्यात आली आहे.