मुन्नाभाईच काळीज कळायला ‘मामू’ला अजून सात जन्म घ्यावे लागतील; मनसेचे उद्धव ठाकरेंना प्रत्युत्तर
मुंबई : गोरेगावच्या नेस्को मैदानावर झालेल्या शिवसेना गटप्रमुखांच्या मेळाव्यात उद्धव ठाकरे यांनी मनसेप्रमुख राज ठाकरे यांना ‘मुन्नाभाई’ संबोधत डिवचले होते. मुंबई महानगरपालिका निवडणुकीत भाजप (BJP) आणि शिंदे गटासोबत ‘मुन्नाभाई’ आपल्यावर हल्ला करणार आहेत. त्यामुळे ही लढाई किती अटीतटीची होईल, हे लक्षात घ्या, उद्धव ठाकरे (Uddhav Thackeray) यांनी म्हटले होते. या टीकेला मनसेचे नेते गजानन काळे यांनी प्रत्युत्तर दिले आहे.
ते म्हणाले, आदित्य ठाकरेसाठी वरळीत मनसे उमेदवार न देता राजसाहेबांनी मनाचा मोठेपणा दाखवला. २०१२ ला एकनाथ शिंदेनी राजसाहेबांची भेट घेतली असता ठाणे मनपात सेनेच्या महापौरसाठी मनसेच्या ७ नगरसेवकांचा बिनशर्त पाठिंबा दिला. मुन्नाभाईच काळीज कळायला ‘मामू’ला अजून सात जन्म घ्यावे लागतील. गेट वेल सून मामू, असे गजानन काळे आपल्या ट्विटमध्ये म्हटले आहे.
आदित्य ठाकरेसाठी वरळीत मनसे उमेदवार न देता राजसाहेबांनी मनाचा मोठेपणा दाखवला.
२०१२ ला एकनाथ शिंदेनी राजसाहेबांची भेट घेतली असता ठाणे मनपात सेनेच्या महापौरसाठी मनसेच्या ७ नगरसेवकांचा बिनशर्त पाठिंबा दिला.
मुन्नाभाईच काळीज कळायला मामूला अजून सात जन्म घ्यावे लागतील.
गेट वेल सून मामू— Gajanan Kale (@MeGajananKale) September 23, 2022