India Vs England | जे विराट-रोहितलाही जमले नाही, ते नव्या पठ्ठ्याने करुन दाखवले; यशस्वीने रचला विक्रमांचा ढीग
भारतीय संघाचा सलामीचा फलंदाज यशस्वी जैस्वालने इंग्लंडविरुद्ध सुरू असलेल्या पाच सामन्यांच्या कसोटी मालिकेत (India Vs England) सलग दुसरे द्विशतक झळकावले आहे. हैदराबाद कसोटीत यशस्वीला फारशा धावा करता आल्या नाहीत. यानंतर विशाखापट्टणम आणि राजकोटमध्ये (India Vs England) यशस्वीची बॅट जोरात गर्जत होती. सलग दुहेरी शतके झळकावून त्याने इंग्लंडच्या गोलंदाजांची बँड वाजवली आणि या काळात यशस्वीने अनेक विक्रम आपल्या नावावर केले.
यशस्वी जैस्वालने द्विशतक झळकावून विक्रमांची मालिका रचली
वास्तविक, भारतीय संघाचा सलामीवीर यशस्वी जैस्वालने 231 चेंडूंचा सामना करत 14 चौकार आणि 10 षटकारांच्या मदतीने आपल्या कसोटी कारकिर्दीतील दुसरे शतक झळकावले. या द्विशतकाने त्याने संपूर्ण जगाला आपली क्षमता दाखवून दिली. चौथ्या दिवसाच्या खेळात यशस्वीने इंग्लंडचे वेगवान गोलंदाज जेम्स अँडरसन आणि मार्क वूड यांना झोडपून काढले.
एका कसोटी मालिकेत दोन द्विशतके झळकावणारा यशस्वी हा तिसरा भारतीय फलंदाज ठरला. त्याच्या आधी विनू मांकडने 1955 मध्ये न्यूझीलंडविरुद्ध ही कामगिरी केली होती. त्याचवेळी, 2018 मध्ये, श्रीलंकेविरुद्ध, विराट कोहलीने न्यूझीलंडविरुद्ध दोन द्विशतके झळकावली होती. याशिवाय दोन कसोटी सामन्यांमध्ये दोन द्विशतके झळकावणारा यशस्वी आता तिसरा भारतीय ठरला आहे.
जो पराक्रम रोहित-कोहली करू शकले नाहीत, ते यशस्वी जैस्वालने केले.
जागतिक कसोटी चॅम्पियनशिप (WTC) च्या इतिहासात भारतासाठी दोन द्विशतके झळकावणारा यशस्वी जयस्वाल हा दुसरा भारतीय खेळाडू ठरला. त्याच्या आधी मयंक अग्रवालने हा पराक्रम केला होता, तर विराट कोहली आणि रोहित शर्मा यांनी जागतिक कसोटी चॅम्पियनशिपच्या इतिहासात प्रत्येकी 1 शतक झळकावले आहे.
याशिवाय यशस्वी जैस्वालने कसोटी क्रिकेटच्या इतिहासात विश्वविक्रमही केला. कसोटी मालिकेत सर्वाधिक षटकार मारणारा तो फलंदाज ठरला आहे. यशस्वीने तीन सामन्यांत 20 षटकार ठोकले. आतापर्यंत हा विक्रम भारतीय कर्णधार रोहित शर्माच्या नावावर होता. दक्षिण आफ्रिकेविरुद्धच्या मालिकेत त्याने 19 षटकार मारले होते.
भारतासाठी कसोटी मालिकेत डावखुऱ्या फलंदाजांच्या सर्वाधिक धावा
545 धावा- यशस्वी जैस्वाल विरुद्ध इंग्लंड 2024
534 धावा – सौरव गांगुली विरुद्ध पाक 2007
463 धावा- गौतम गंभीर विरुद्ध ऑस्ट्रेलिया 2008
445 धावा- गौतम गंभीर विरुद्ध न्यूझीलंड 2009
महत्वाच्या बातम्या
Lok Sabha Elections | भाजपचे आजपासून राष्ट्रीय अधिवेशन; लोकसभा निवडणुकीचा रोडमॅप तयार