Kangana Ranaut | “मला देशाचे पंतप्रधान बनायला…”, कंगणा राणावतची राजकारणात येण्यावर मोठी प्रतिक्रिया

By azad desk On Feb 12, 2024

बॉलीवूड अभिनेत्री कंगना राणावत (Kangana Ranaut) अनेकदा तिच्या स्पष्ट उत्तरांनी सर्वांना आश्चर्यचकित करते. बॉलिवूडपासून राजकारणापर्यंतच्या मुद्द्यांवर ती नेहमीच आपले मत उघडपणे मांडते. बऱ्याचदा तिच्या राजकारणात प्रवेश करणार असल्याच्या अफवाही येत असतात. अशातच आता नुकतेच तिला विचारण्यात आले की तिला देशाचे पंतप्रधान व्हायला आवडेल का? यावर अभिनेत्रीने काय उत्तर दिले जाणून घेऊया.

सध्या बॉलिवूडची क्विन तिच्या आगामी ‘इमर्जन्सी’ या चित्रपटामुळे चर्चेत आहे, जो लवकरच प्रदर्शित होणार आहे. या चित्रपटात कंगना माजी पंतप्रधान इंदिरा गांधी (Indira Gandhi) यांची भूमिका साकारणार आहे. विशेष म्हणजे या चित्रपटाचे दिग्दर्शनही कंगनानेच केले आहे. श्रेयस तळपदे, अनुपम खेर, महिमा चौधरी आणि पुपुल जयकर या चित्रपटात महत्त्वाच्या भूमिकेत दिसणार आहेत.

आता नुकतीच कंगना राणावत (Kangana Ranaut) एका ट्रेलर लॉन्च इव्हेंटमध्ये पोहोचली होती. या इव्हेंटमध्ये जेव्हा अभिनेत्रीला विचारण्यात आले की देशाचा पंतप्रधान होण्याचा तुमचा काही विचार आहे का? यावर उत्तर देताना कंगना म्हणाली, ‘मी नुकताच ‘इमर्जन्सी’ नावाचा चित्रपट केला आहे. तो चित्रपट पाहिल्यानंतर कोणालाही मला पंतप्रधान म्हणून पाहावेसे वाटणार नाही.’ कंगनाच्या या उत्तराने सर्वांचेच लक्ष वेधले आहे.