Mohammad Shami | ‘तो पोलिसांसोबत मिळून मला मारण्याचा प्लॅन बनवत आहे,’ हसीन जहाँचे पती मोहम्मद शमीवर गंभीर आरोप
भारतीय क्रिकेटपटू मोहम्मद शमी (Mohammad Shami) आणि त्याची पत्नी हसीन जहाँचे प्रकरण अनेक वर्षांपासून सुरू आहे. भारतीय जनता पक्ष (भाजप) त्याला लोकसभा निवडणुकीत तिकीट देऊ शकते या कारणावरून शमी अलीकडेच चर्चेत होता. या संदर्भात अद्याप काहीही दुजोरा मिळालेला नसला तरी शमीच्या पत्नीने पुन्हा एकदा त्याच्यावर गंभीर आरोप केले आहेत. यावेळी हसीन जहाँने दावा केला आहे की, मोहम्मद शमी आपली हत्या करू शकतो.
हसीन जहाँने गंभीर आरोप केले.
हसीन जहाँने सोशल मीडियावर एक पोस्ट शेअर केली ज्यामध्ये तिने मोहम्मद शमीवर (Mohammad Shami) आरोप केले आणि म्हटले की, “माझा स्टार पती आणि त्याच्या कुटुंबाने माझ्यासोबत गैरवर्तन केले. मला न्यायालयाची मदत घ्यावी लागली, पण मला हवी तशी मदत मिळाली नाही. अमरोहा पोलिसांनी माझा आणि माझ्या 3 वर्षाच्या मुलीचा छळ केला आहे.सरकारने माझा अपमान केला आहे आणि माझ्यावर होत असलेला अन्याय आणि छळ पाहत आहे. सत्य अजून लोकांपर्यंत पोहोचलेले नाही. कोलकात्याच्या खालच्या कोर्टाने माझ्यावर अन्याय होत आहे.”
हसीन जहाँ पुढे म्हणाली, “हे सर्व माझ्यासोबत केले जात आहे कारण मी मुस्लिम समुदायातून आले आहे. जर मी हिंदू असते आणि माझ्यासोबत हे सर्व घडले असते तर कदाचित मला आतापर्यंत न्याय मिळाला असता. मोहम्मद शमी, भाजप सरकार आणि यूपी पोलिस माझा खून करण्याचा कट रचत आहेत.
तिने आपल्या पोस्टमध्ये अनेक गोष्टी शेअर केल्या आहेत. हसीन जहाँने असेही सांगितले की तिने अमरोहा पोलिस एसपी सुधीर कुमार यांच्याकडून मदत घेण्याबाबत बोलले, परंतु स्टार क्रिकेटरच्या पत्नीने असा दावा केला की सुधीर कुमार तिच्याशी असभ्यपणे बोलला आणि तिला असेही सांगण्यात आले की एसपी तिला भेटणार नाहीत.
आपल्या भागातील बातम्या जाणून घेण्यासाठी जॉइन करा आझाद मराठीचा’चा व्हॉट्सअ‍ॅप ग्रुप
महत्वाच्या बातम्या :
लोकसभेसाठी काँग्रेसचे उमेदवार जाहीर, पुण्यात धंगेकर तर कोल्हापूरातून या नावाला पसंती
Jitendra Awad | माझ्या डोळ्यात साहेबांसंदर्भात आदर आणि प्रेम असल्याने मनातून अश्रू येतात