MS Dhoni | कॅप्टेन्सी सोडल्यानंतर धोनी प्लेइंग इलेव्हनमध्येही दिसणार नाही? काय सांगतो आयपीएलचा नियम
चेन्नई सुपर किंग्सने त्यांचा कर्णधार एमएस धोनी (MS Dhoni) याच्याजागी ऋतुराज गायकवाड याची नवा कर्णधार म्हणून नियुक्ती केली आहे. या निर्णयामुळे धोनीचे चाहते नक्कीच निराश असतील, पण हा निर्णय माहीसाठी मास्टरस्ट्रोक ठरू शकतो.
या नियमामुळे धोनीने कर्णधारपद सोडले?
धोनीने (MS Dhoni) अचानक कर्णधारपद का सोडले हा प्रश्न आहे. याचे उत्तर आयपीएल 2024 चा खेळाडू नियम असू शकतो. प्लेइंग इलेव्हन व्यतिरिक्त, एका खेळाडूला IPL 2024 मध्ये प्रभावशाली खेळाडू म्हणून मैदानात उतरवले जाऊ शकते. हा नियम लक्षात घेऊन धोनीने कर्णधारपद सोडण्याचा निर्णय घेतला असण्याची शक्यता आहे. धोनी गेल्या काही वर्षांपासून खूप उशिरा फलंदाजीला येत आहे. त्याला सामन्यात फक्त काही चेंडू खेळता आले आहेत. आता त्याला या मोसमात पहिल्या प्लेइंग इलेव्हनमध्ये स्थान मिळाले नाही तर आश्चर्य वाटायला नको कारण सामन्यात त्याचा प्रभावशाली खेळाडू म्हणून उपयोग होऊ शकतो.
धोनी प्लेइंग इलेव्हनमध्ये नसेल?
चेन्नई संघाने प्रथम फलंदाजी केल्यास धोनीशिवाय प्लेइंग इलेव्हन मैदानात उतरू शकते. विकेट पडल्या आणि सामना हातून निसटत असेल तर धोनीला फलंदाज म्हणून मैदानात उतरवले जाऊ शकते. चेन्नईने धावसंख्येचा पाठलाग केला तरी धोनीचा दुसऱ्या डावात उपयोग होऊ शकतो. सामना आणि परिस्थिती यावर सर्व काही अवलंबून असेल. एक प्रभावशाली खेळाडू म्हणून धोनी प्लेइंग इलेव्हनमध्ये नसतानाही संघासोबत मैदानात उतरू शकतो. आता चेन्नई धोनीचा कसा वापर करते? हे पाहावे लागेल.
आपल्या भागातील बातम्या जाणून घेण्यासाठी जॉइन करा आझाद मराठीचा’चा व्हॉट्सअ‍ॅप ग्रुप
महत्वाच्या बातम्या :
लोकसभेसाठी काँग्रेसचे उमेदवार जाहीर, पुण्यात धंगेकर तर कोल्हापूरातून या नावाला पसंती
Jitendra Awad | माझ्या डोळ्यात साहेबांसंदर्भात आदर आणि प्रेम असल्याने मनातून अश्रू येतात