“लोकं पीरियड्सवर बोलायला मागे पुढे पाहतात, पण सेक्सवर मात्र…”, अभिनेत्रीचं लक्षवेधी वक्तव्य
Rajashri Deshpande On Intimate Scenes: अभिनेत्री राजश्री देशपांडे (Rajashri Deshpande) यांनी अलीकडेच खुलासा केला आहे की सेक्रेड गेम्स (Sacred Games) या वेब सीरिजमध्ये नवाजुद्दीन सिद्दीकीसोबतच्या (Nawajuddin Siddiqui) इंटिमेट सीननंतर एका पत्रकाराने तिला ‘पॉर्न ऍक्टर’ म्हटले आहे. ओटीटी प्लॅटफॉर्मवर शो रिलीज झाल्यानंतर लगेचच राजश्रीचे सीन्स सोशल मीडियावर व्हायरल झाले. त्यांचा गैरवापर आणि फेरफारही करण्यात आले.
झूमला दिलेल्या मुलाखतीत राजश्रीने सांगितले की, सीन व्हायरल झाल्यानंतर तिला तिच्या निवडीबद्दल विचारण्यात आले. अभिनेत्री म्हणाली, “सेक्रेड गेम्सच्या पहिल्या सीझननंतर, हा सीन व्हायरल झाला आणि तो बदलला, तो सर्वत्र वेगळ्या प्रकारच्या चित्रपटात बदलला गेला. माझ्याबद्दल सोशल मीडियावर पोस्ट लिहिल्या जात होत्या.”
राजश्री म्हणाली, “नवाज देखील त्याचा एक भाग होता, अनुरागला कोणीही विचारले नाही की तू शूट का केलेस, संपादकाला कोणी विचारले नाही की तू ते दृश्य का कापले. ‘तू असं का केलंस?’ असा प्रश्न विचारण्यात आलेली एकमेव व्यक्ती म्हणजे मी. जर एखादा पत्रकार लिहित असेल, ‘एक पोर्न अभिनेत्री’… तर आज माझी संपूर्ण ओळख फक्त सेक्रेड गेम्सची अभिनेत्री म्हणून आहे.”
राजश्री पुढे म्हणाली की, त्यावेळी जे घडले त्यावर तिला रडायचे नाही, मात्र तिला या विषयावर चर्चा करायची आहे. काहीतरी बदलण्याची गरज आहे, असे अभिनेत्री म्हणाली. राजश्रीनं यावेळी तिला ट्रोल करणाऱ्यांवर निशाणा साधला आहे. तिनं म्हटलं की, दुर्देवाची गोष्ट आहे जेव्हा लोकं पीरियड्स सारख्या विषयांवर बोलायला मागे पुढे पाहतात. आणि सेक्सवर मात्र वेगवेगळ्या प्रकारच्या प्रतिक्रिया देतात. आपण फार वेगळ्या प्रकारे विचार करतो. यामुळे त्या गोष्टींविषयीचे गैरसमज आपल्या मनात येऊ लागतात. असेही राजश्रीनं म्हटले आहे.
‘शेतकऱ्यांचं कंबरडे मोडण्याच पाप हे केंद्र सरकारने आणि ट्रिपल इंजिनच्या सरकारने केलेले आहे’
आमचं सरकार आल्यावर सरसकट कर्जमाफी होईल; खासदार सुप्रिया सुळे यांचे शेतकऱ्यांना आश्वासन
‘देवेंद्र फडणवीस केवळ आकडेवारी फेकतात, पण सत्य परिस्थिती ते जनतेपासून लपवतात’