Rishabh Pant | राजस्थानविरुद्धच्या सामन्यातील फ्लॉप शोनंतर पंतने गमावला संयम, रागात फेकली बॅट; पाहा Video

By azad desk On Mar 29, 2024

Rishabh Pant| आयपीएलच्या 17व्या हंगामात दिल्ली कॅपिटल्सची (Delhi Capitals) सुरुवात चांगली झाली नाही आणि सलग दोन सामन्यांमध्ये त्यांना पराभवाला सामोरे जावे लागले आहे. पंजाब किंग्जविरुद्धचा पहिला सामना गमावल्यानंतर दिल्लीलाही राजस्थान रॉयल्सकडून पराभव स्वीकारावा लागला. जयपूरच्या सवाई मानसिंग स्टेडियमवर गुरुवारी झालेल्या सामन्यात राजस्थानने दिल्लीचा 12 धावांनी पराभव करत सलग दुसरा विजय नोंदवला. राजस्थानसाठी अष्टपैलू रियान परागने 45 चेंडूत 84 धावांची नाबाद खेळी खेळली, ज्यामुळे संघाने कठीण परिस्थितीवर मात केली आणि दिल्लीसाठी कठीण लक्ष्य ठेवण्यात यश मिळवले. दरम्यान, सोशल मीडियावर एक व्हिडिओ व्हायरल होत आहे ज्यामध्ये दिल्लीचा कर्णधार ऋषभ पंत (Rishabh Pant) बाद झाल्यानंतर संतप्त होऊन स्क्रीनवर त्याची बॅट मारताना दिसत आहे.

pic.twitter.com/XIDJhonoWx

— IndiaCricket (@IndiaCrick18158) March 28, 2024

दिल्लीला लय राखता आली नाही
राजस्थानविरुद्धच्या सामन्यात दिल्लीचा बहुतांश वेळ वरचष्मा होता आणि त्यांनी राजस्थानला सुरुवातीचे धक्के दिले. मात्र, रियान पराग दिल्लीच्या गोलंदाजांसमोर खडकासारखा उभा राहिला. ॲनरिक नॉर्टजेच्या 20व्या षटकात त्याने 25 धावा केल्या, त्याच्या जोरावर राजस्थानला पाच गड्यांच्या मोबदल्यात 185 धावा करण्यात यश आले. प्रत्युत्तरात दिल्लीला शेवटच्या षटकात 17 धावांची गरज होती, मात्र संघाला ते करता आले नाही. दिल्लीकडून सलामीवीर डेव्हिड वॉर्नरने सर्वाधिक 34 चेंडूत 49 धावा केल्या, तर ट्रिस्टन स्टब्स 23 चेंडूत 44 धावा करून नाबाद राहिला. मात्र, संघाचा कर्णधार ऋषभ पंत (Rishabh Pant) 26 चेंडूत 28 धावा करून बाद झाला.

पंतला आपला राग आवरता आला नाही
दिल्लीकडून 100 वा सामना खेळणाऱ्या पंतला 14व्या षटकाच्या पहिल्या चेंडूवर युझवेंद्र सिंगने बाद केले. चौथ्या क्रमांकावर फलंदाजीला आलेल्या उजव्या हाताचा फलंदाज पंतला चहलने संजू सॅमसनकरवी झेलबाद केले. बाद झाल्यानंतर पंतला आपला राग आवरता आला नाही आणि पॅव्हेलियनमध्ये परतल्यानंतर तो काळ्या पडद्यावर बॅट मारताना दिसला. इंटरनेटवर व्हायरल झालेल्या व्हिडिओमध्ये पंत आऊट झाल्याची निराशा लपवू शकला नाही आणि स्क्रीनवर त्याच्या बॅटला आपटल्याचे दिसत आहे.