अबब! ‘या’ सेल्समनला आहेत चक्क ७ बायका; म्हणाला, “महिला माझ्या प्रेमात वेड्या होतात”
एका व्यक्तीला २ बायका असल्याची बरीचशी उदाहरणे आपण पाहिली आहेत. परंतु एका पुरुषाला चक्क ७ बायका असल्याने त्याला सोशल मीडियावर खूप प्रसिद्धी मिळत आहे. त्याला ७ बायका असण्याबरोबरच अनेक मुलेही आहेत. ३४ वर्षीय नट्टापोंग छबलेम (Nattapong Chablaem) याला ७ बायका आणि त्यांच्याकडून बरीचशी मुले आहेत.
जॉइन करा आझाद मराठीचा’चा व्हॉट्सअ‍ॅप ग्रुप 👉🏻 https://chat.whatsapp.com/D3xA3iJHF0r1kodPsu0Q4H
खुद्द नट्टापोंग छबलेमने त्याला ७ बायका असण्यामागचे कारण सांगितले आहे. तो म्हणतो की, त्याच्याकडे प्रेमाशी संबंधित ते विशेष गुण आहेत, ज्यामुळे स्त्रिया त्याच्या प्रेमात वेड्या होतात. तो त्याच्या सर्व बायकांना वेगवेगळ्या प्रकारे भेटला होता. काहींची ओळख मित्रांद्वारे, काही लग्नाच्या कार्यक्रमात, काही फेसबुकवर तर काही इंस्टाग्रामवर त्याला भेटल्या आहेत. तो व्यवसायाने सेल्समन आहे.
द सनच्या रिपोर्टनुसार, नट्टापोंगला एकूण ९ मुले आहेत. तो थायलंडच्या नाखोम पथम प्रांतात आपल्या कुटुंबासह राहतो. त्याला विश्वास आहे की तो त्याच्या सभोवतालच्या सुंदर स्त्रियांसोबत स्वप्नवत जीवन जगत आहे. तो म्हणतो, ‘मी फ्लर्ट करतो आणि मला अशा गोष्टी लपवून ठेवायला आवडत नाहीत. माझ्यात काही गुण आहेत, ज्यामुळे स्त्रिया एकमेकांशी न भांडता माझ्या प्रेमात पडतात. मी वेगवेगळ्या स्त्रियांबरोबर गुप्तपणे राहू शकत नाही, मी खरे सांगतो. मला खोटं बोलायला आवडत नाही, म्हणून मी सगळ्यांना एका ठिकाणी आणलं आहे.’
आपल्या बायकांबद्दल तो म्हणतो, ‘त्या सगळ्या माझ्याशी आणि एकमेकींशी छान वागतात, चांगलं बोलतात, त्या बालिश नाहीत, अनियंत्रितही नाहीत, त्यामुळे मला कशाचीच चिंता नाही.’ नट्टापोंग पुढे म्हणाला की, ‘इतर कोणीही पुरुष इतक्या बायका ठेवू शकत नाही. मी सल्ला देतो की जर तुम्ही मॅनेज करू शकत नसाल तर एकच पत्नी असणे चांगले. आपण त्यांना नियंत्रित करू शकत नसल्यास, ते पुरेसे वाईट होईल. त्यांच्यात भांडणे होतील. पण माझ्याबद्दल बोलायचे झाले तर, मी त्यांना नियंत्रित करू शकतो.’