Shreyas Iyer: ऑस्ट्रेलियाविरुद्ध श्रेयस अय्यरचे धडाकेबाज शतक, ११ महिन्यांनंतर केली मोठी कामगिरी!
Shreyas Iyer ODI Century: इंदूरमध्ये ऑस्ट्रेलियाविरुद्ध (India vs Australia) खेळल्या जात असलेल्या दुसऱ्या एकदिवसीय सामन्यात टीम इंडियाने दमदार फलंदाजी केली आहे. तिसऱ्या क्रमांकावर फलंदाजीला आलेल्या श्रेयस अय्यरने (Shreyas Iyer) या सामन्यात स्फोटक शतक (Shreyas Iyer Century) झळकावले आणि विश्वचषकापूर्वी तो फॉर्ममध्ये परतला आहे. वनडे फॉरमॅटमधील श्रेयस अय्यरचे हे शतक जवळपास वर्षभरानंतर आले आहे, तर त्याच्या कारकिर्दीतील हे तिसरे शतक आहे.
रविवारी या सामन्यात ऑस्ट्रेलियाने नाणेफेक जिंकून प्रथम गोलंदाजी करण्याचा निर्णय घेतला, परंतु हा निर्णय त्यांच्यासाठी चुकीचा ठरला. ऋतुराज गायकवाडची विकेट झपाट्याने पडली तरीही श्रेयस अय्यरने क्रीझवर येताच मोठे फटके मारण्यास सुरुवात केली.
श्रेयस अय्यरने 86 चेंडूत आपले शतक पूर्ण केले, ज्या दरम्यान त्याने 10 चौकार आणि 3 षटकार मारले. श्रेयस अय्यर आणि शुभमन गिल (Shubman Gill) यांच्यात जवळपास 200 धावांची भागीदारीही झाली आणि दोघांनी ऑस्ट्रेलियाला पूर्णपणे मागच्या पायावर ढकलले. एकूण 105 धावा करून श्रेयस अय्यर बाद झाला, त्याने 90 चेंडूत 11 चौकार आणि 3 षटकार मारले.
𝙎𝙚𝙣𝙨𝙖𝙩𝙞𝙤𝙣𝙖𝙡 𝙎𝙝𝙧𝙚𝙔𝘼𝙎𝙎!
ODI century number 3⃣ for @ShreyasIyer15 💯
Take a bow! 👏👏#TeamIndia | #INDvAUS | @IDFCFIRSTBank pic.twitter.com/TUNfwQTAuE
— BCCI (@BCCI) September 24, 2023
श्रेयस अय्यरचे फॉर्ममध्ये पुनरागमन (Shreyas Iyer Comeback) ही टीम इंडियासाठी दिलासादायक बातमी आहे, कारण तो मधल्या फळीतील महत्त्वाचा फलंदाज आहे. अशा परिस्थितीत त्याच्या बॅटमधून एकही मोठी धावसंख्या निघू शकली नाही, म्हणूनच श्रेयस अय्यरचे हे शतक खूप महत्त्वाचे आहे. दुखापतीनंतर संघात पुनरागमन करणाऱ्या श्रेयस अय्यरच्या बॅटमधून शेवटचे वनडे शतक ऑक्टोबर 2022 मध्ये झळकले होते.
श्रेयस एकदिवसीय विश्वचषक संघात आहे आणि टीम इंडियासाठी नंबर-4 साठी सर्वात योग्य फलंदाज देखील आहे. मात्र, श्रेयस चौथ्या क्रमांकावर आला तर सूर्यकुमार यादवला प्लेइंग-11 मधून बाहेर बसावे लागू शकते.
श्रेयस अय्यरची वनडे शतके:
113 वि दक्षिण आफ्रिका, 9 ऑक्टोबर 2022
103 वि न्यूझीलंड, 5 फेब्रुवारी 2020
105 वि ऑस्ट्रेलिया, 24 सप्टेंबर 2023
महत्वाच्या बातम्या-
वंचित बहुजन आघाडीचा Gautam Adani – Sharad Pawar भेटीवरून कॉंग्रेसला टोला !
ससूनमधील रुग्णांना ‘Virtual Reality’द्वारे ‘दगडूशेठ’ बाप्पाचे दर्शन