आधीच मस्तवाल झालेल्या आमदारांना मुंबईत घरं देण्याचा निर्णय जनविरोधी – निखील वागळे
मुंबई – मुख्यमंत्री उद्धव ठाकरे (Cm Uddhav Thackeray) यांनी एक मोठी घोषणा केलीय. आमदारांना मुंबईत कायमस्वरुपी घर मिळावं (Home In Mumbai) अशी मागणी बुधवारी विधानसभेत शिवसेना आमदारांकडून करण्यात आली होती. त्याच धर्तीवर आज मुख्यमंत्र्यांनी मोठा निर्णय जाहीर केला आहे.
आमदारांसाठी आता मुंबईत 300 घरं बांधणार असल्याची घोषणा (Homes For Mla) मुख्यमंत्र्यांकडून करण्यात आलीय. महाविकास आघाडीचं सरकार फक्त बोलणारं नाही तर करून दाखवणारं सरकार आहे, असे ते म्हणाले. राज्याचा विषय मांडल्यानंतर कुठेतरी एक घर मिळावं, आमदार असेपर्यंत.. असं मुख्यमंत्र्यांनी म्हणताच सभागृहात हशा पिकला. त्यानंतर, आमदारांना कायमस्वरुपी घरे आपण देत आहोत, असे त्यांनी स्पष्ट केलं.
आमदारांना घरं देण्याच्या निर्णयावर सर्वसामान्यांकडून नाराजी व्यक्त करण्यात आली आहे. सोशल मिडीयावर सरकारवर टीका होऊ लागली आहे. आमदारांची कोट्यवधींची संपत्ती आहे, सोबतच काही आमदारांकडे 7 ते 8 घरं आहेत. अशातच त्यांना घरं का? असा प्रश्न सर्वसामान्यांकडून उपस्थित करण्यात आला आहे. दरम्यान, जेष्ठ पत्रकार निखील वागळे यांनी देखील या निर्णयावर नाराजी दर्शविली आहे. ते म्हणाले, आधीच मस्तवाल झालेल्या आमदारांना ( काही अपवाद सोडून) मुंबईत घरं देण्याचा निर्णय जनविरोधी. निषेध.
आधीच मस्तवाल झालेल्या आमदारांना ( काही अपवाद सोडून) मुंबईत घरं देण्याचा निर्णय जनविरोधी. निषेध. https://t.co/cuUJjH5OKr
— nikhil wagle (@waglenikhil) March 25, 2022