वंचित बहुजन आघाडीचा कोल्हापूर लोकसभेसाठी शाहू महाराजांना जाहीर पाठिंबा!

Vanchit Bahujan Aghadi: कोल्हापूर लोकसभा मतदारसंघातून छत्रपती शाहू महाराज (Chhatrapati Shahu Maharaj) निवडणुकीच्या रिंगणात आहेत. त्यांना वंचित बहुजन आघाडीचा जाहीर पाठिंबा असल्याचे ॲड. प्रकाश आंबेडकर (Prakash Ambedkar) यांनी आज मुंबईतील पत्रकार परिषदेत सांगितले. वंचित बहुजन आघाडीच्या या निर्णयाचे महाराष्ट्रातून जोरदार स्वागत होत असून, ‘वंचित’च्या पाठिंब्यामुळे शाहू महाराजांचा विजय निश्चित झाल्याचे बोलले जात आहे.

ॲड. आंबेडकर यांनी पत्रकार परिषदेत सांगितले की, वंचित बहुजन आघाडी शाहू महाराज छत्रपती यांना पूर्ण पाठिंबा देणार आहे. वंचित बहुजन आघाडी फुले-शाहू-आंबेडकर विचारधारेवर विश्वास ठेवते आणि या विचारधारेचे प्रमुख समर्थन करते. कोल्हापूरच्या छत्रपती शाहू महाराजांच्या वंशजांबद्दल आमच्या मनात अपार आदर आहे. त्यामुळे आम्ही हा जाहीर पाठींबा त्यांना दिल्याचे आंबेडकर यांनी म्हटले आहे.

VBA will give its full support to Shahu Maharaj Chhatrapati from Kolhapur Lok Sabha constituency.

VBA believes in and is a major proponent of the Phule-Shahu-Ambedkar ideology, and we have immense respect for the descendants of Chhatrapati Shahu Maharaj of Kolhapur.

— Prakash Ambedkar (@Prksh_Ambedkar) March 23, 2024

शाहू महाराज यांनी मानले आभार –

वंचित बहुजन आघाडीने कोल्हापूर मतदारसंघात छत्रपती शाहू महाराज यांना दिलेल्या पाठिंब्याचे शाहू महाराज यांनी X वर पोस्ट करत आभार मानले आहेत. शाहू महाराज आणि डॉ. बाबासाहेब आंबेडकर यांचे ऋणानुबंध जपले गेल्याची भावना यावेळी त्यांनी व्यक्त केली.

महत्वाच्या बातम्या-

Muralidhar Mohol | मुरलीधर मोहोळ यांच्या विजयासाठी मेधा कुलकर्णींनी कसली कंबर

Rohit Pawar | शासकीय आश्रम शाळेत दूध घोटाळा; रोहित पवारांचा सरकारवर हल्लाबोल

Sharad Pawar | केजरीवालांच्या अटकेची किंमत भाजपला मोजावी लागणार