Mahadev Jankar | महादेव जानकरांनी यू टर्न का घेतला ? पवारांच्या निकटवर्तीयाने केला गौप्यस्फोट

By azad desk On Mar 26, 2024

Mahadev Jankar | लोकसभा निवडणुकीच्या निमित्ताने राजकीय वातावरण तापले आहे. महाराष्ट्रात १९ एप्रिल ते २० मे अशी पाच टप्प्यांमध्ये लोकसभा निवडणूक होणार आहे. या पार्श्वभूमीवर दोन्ही बाजूंनी बैठकांचा धडाका सुरु असून महायुती आणि महाविकास आघाडीकडून मोर्चेबांधणी सुरु आहे.

यातच महाविकास आघाडीच्या वाटेवर असणाऱ्या राष्ट्रीय समाज पक्षाचे महादेव जानकर (Mahadev Jankar) यांनी आपली भूमिका बदलली आहे. महादेव जानकर यांनी आज मुख्यमंत्री एकनाथ शिंदे (Eknath Shinde) आणि उपमुख्यमंत्री देवेंद्र फडणवीस (Devendra Fadnavis), अजित पवार यांची भेट घेत आपण महायुतीतच राहणार असल्याचे जाहीर केले. तसेच यावेळी महादेव जानकर यांना लोकसभेसाठी एक जागा देण्यात येईल, असा निर्णयही घेण्यात आला.

दरम्यान, या घडामोडींवर शरद पवार गटाचे प्रवक्ते विकास लवांडे यांनी भाष्य केले आहे. ते म्हणाले, महादेव जानकरांची निवडणूक निधीची गरज भाजपने पूर्ण केली जी गरज महाविकासआघाडी पूर्ण करू शकत नव्हती. म्हणूनच जानकरांनी यू टर्न घेतला आहे. स्वतःचे उपद्रव मूल्य वाढवण्यासाठी ते आदरणीय पवार साहेबांना साहेबांना भेटत होते. बाकी जागा वाटपाची अडचण नव्हतीच असे म्हणत टीका केली आहे. दुसऱ्या बाजूला महादेव जानकरांसारख्या लोकांना कोणतीही विचारधारा नसते, जिथे खायला मिळतं तिथे ते जातात अशा शब्दात संजय राऊतांनी जानकरांवर निशाणा साधलाय.

आपल्या भागातील बातम्या जाणून घेण्यासाठी जॉइन करा आझाद मराठीचा’चा व्हॉट्सअ‍ॅप ग्रुप