भारताने पहिल्या वनडेत ऑस्ट्रेलियाला दिला धोबीपछाड, तेंडुलकरांनंतर राहुलच करु शकलाय हा पराक्रम
India vs Australia: टीम इंडियाने (Team India) 3 सामन्यांच्या वनडे मालिकेतील (ODI Series) पहिल्या सामन्यात ऑस्ट्रेलियाचा 5 गडी राखून पराभव केला. केएल राहुलच्या (KL Rahul) नेतृत्वाखाली भारतीय संघाने मालिकेतही 1-0 अशी आघाडी घेतली आहे. मोहालीबद्दल बोलायचे झाले तर, भारताचा ऑस्ट्रेलियावर एकदिवसीय सामन्यातील हा दुसरा विजय आहे.
यापूर्वी 1996 मध्ये सचिन तेंडुलकरच्या (Sachin Tendulkar) नेतृत्वाखाली भारतीय संघाने कांगारू संघाचा 5 धावांनी पराभव केला होता. ऑस्ट्रेलियन संघ 4 सामने जिंकण्यात यशस्वी ठरला आहे. सचिननंतर कर्णधार म्हणून केवळ केएल राहुललाच मोहालीत ऑस्ट्रेलियाविरुद्धच्या वनडेत विजय मिळवता आला आहे. या सामन्यात राहुलने 63 चेंडूत नाबाद 58 धावा केल्या. 4 चौकार आणि एक षटकार मारला.
पहिल्या वनडेत केएल राहुल चौथ्या क्रमांकावर फलंदाजीला आला होता. भारतासाठी नंबर-4 आणि नंबर-5 वर 1000 पेक्षा जास्त धावा करणाऱ्या खेळाडूंची सरासरी पाहिली तर राहुल हा माजी भारतीय कर्णधार एमएस धोनीच्या पुढे गेला आहे. राहुलची सरासरी सर्वोत्तम आहे. राहुलने वनडेच्या 29 डावांमध्ये 55 च्या सरासरीने 1210 धावा केल्या आहेत. 3 शतके आणि 8 अर्धशतके केली आहेत. या काळात तो 7 वेळा नाबाद राहिला आहे. स्ट्राइक रेट 93 आहे. पहिल्या वनडेबद्दल बोलायचे झाले तर ऑस्ट्रेलियाने पहिला सामना खेळताना 276 धावा केल्या होत्या. प्रत्युत्तरात टीम इंडियाने 8 चेंडू बाकी असताना 5 गडी राखून लक्ष्य गाठले.
एमएस धोनीचे नंबर-4 आणि नंबर-5 एकदिवसीय सामन्यातील रेकॉर्ड बघितले तर त्याने 112 डावांमध्ये 52 च्या सरासरीने 4494 धावा केल्या आहेत. त्याने 5 शतके आणि 30 अर्धशतके केली आहेत. म्हणजे 35 वेळा 50 पेक्षा जास्त धावा झाल्या आहेत. 134 धावा ही सर्वोत्तम धावसंख्या आहे. स्ट्राइक रेट 88 होता. या क्रमांकावर धोनीने भारतीय संघाला अनेक संस्मरणीय विजय मिळवून दिले. धोनीच्या नेतृत्वाखाली, भारताने 2011 एकदिवसीय विश्वचषक आणि 2013 चॅम्पियन्स ट्रॉफी जिंकली होती.
2023 च्या विश्वचषकापूर्वी केएल राहुल फॉर्मात येणे संघ व्यवस्थापनासाठी दिलासा देणारा आहे. शस्त्रक्रियेनंतर अलीकडेच त्याने आशिया कप 2023 मध्ये भाग घेतला होता. तब्बल ६ महिन्यांनंतर आंतरराष्ट्रीय सामना खेळणाऱ्या राहुलने पाकिस्तानविरुद्ध नाबाद शतक झळकावले. टीम इंडियाने आशिया कपचे विजेतेपदही पटकावले. भारत आणि ऑस्ट्रेलिया यांच्यातील मालिकेतील दुसरा सामना 24 सप्टेंबरला इंदूरमध्ये खेळवला जाणार आहे.
महत्वाच्या बातम्या-
Relationship Depression आहे खूप धोकादायक, दोन आयुष्य उध्वस्त होऊ शकतात
‘माझा विश्वास आहे की अल्लाह सर्व काही…’ वर्ल्डकप संघातून बाहेर पडल्यावर नसीम शाह भावूक