Relationship depression आहे खूप धोकादायक, दोन आयुष्य उध्वस्त होऊ शकतात

Relationship depression : प्रेम आणि विश्वास हा कोणत्याही नात्याचा पाया असतो. पण काही कारणांमुळे जेव्हा परस्पर विश्वास किंवा प्रेम कमी होऊ लागते तेव्हा नात्यात तणाव निर्माण होतो. हा परस्पर तणाव लवकर निवळला नाही तर हेच नैराश्याचे कारण बनू शकते. नातेसंबंधातील नैराश्याची लक्षणे सामान्य आहेत आणि जोडीदारातील हा मानसिक बदल अगदी सहज ओळखता येतो.

रिलेशनशिप डिप्रेशनच्या लक्षणांबद्दल (Relationship Depression Symptoms) बोलताना, मेडिकल हेल्थ टुडेच्या मते, हा एक प्रकारचा मूड डिसऑर्डर (Mood Disorder)आहे ज्यामध्ये एखादी व्यक्ती नेहमी नकारात्मक भावनांनी वेढलेली असते. जेव्हा एखादी व्यक्ती डिप्रेशनमध्ये असते तेव्हा त्याच्या शारीरिक आणि मानसिक आरोग्यामध्ये बरेच बदल दिसून येतात आणि तो स्वतःशीच संघर्ष करत असल्याचे दिसते.

रिलेशनशिप डिप्रेशनमध्ये, एखादी व्यक्ती नेहमी दुःखी राहते, अपराधीपणात राहते आणि स्वतःलाच प्रश्न विचारू लागते. असा व्यक्ती नेहमी चिडचिड आणि रागावलेला असतो, आत्मविश्वास गमावतो, थकल्यासारखे वाटते, त्याला निर्णय घेणे कठीण होते, हळूहळू त्याच्या छंदांमध्ये रस कमी होतो आणि त्याला आत्महत्येचे विचार येतात.

जर अशी लक्षणे तुमच्या पार्टनरमध्ये दिसत असतील तर तुम्ही काही गोष्टींकडे लक्ष देणे गरजेचे आहे. उदाहरणार्थ, तुमच्या जोडीदाराच्या जवळ राहण्याचा प्रयत्न करा, त्याच्यासाठी थोडा वेळ काढा आणि जास्त अपेक्षा न करता दर्जेदार वेळ घालवा. तुम्ही एकमेकांसाठी नेहमी उपलब्ध असणार आहात याची जाणीव करून द्या.

लोकांचा असा गैरसमज आहे की डिप्रेशनमध्ये लोक फक्त दुःखी राहतात किंवा अश्रू ढाळत राहतात, परंतु आम्ही तुम्हाला सांगतो की सतत रागावणे हे देखील नैराश्याचे लक्षण आहे. म्हणून, तुम्ही तुमच्या जोडीदाराचे हे वागणे गांभीर्याने घ्या आणि तुम्ही त्याला/तिला समजून घेण्याचा प्रयत्न करत आहात असे त्याला/तिला वाटून देण्याचा प्रयत्न करा.