Ayodhya : दक्षिण आफ्रिकेचा अष्टपैलू खेळाडू केशव महाराज (Keshav Maharaj) याची अध्यात्म आणि हिंदू धर्मावर किती श्रद्धा आहे हे आता केवळ भारतीयच नाही तर जगभरातील करोडो चाहत्यांना कळले आहे. त्याचा स्पष्ट पुरावा सामन्यानंतरच्या कोणत्याही कामगिरीनंतर त्याच्या वक्तव्यातून आणि प्रतिक्रियेतून दिसून येतो. लवकरच अयोध्येला जायची इच्छा असलेला अनुभवी दक्षिण आफ्रिकेचा फिरकी गोलंदाज केशव महाराज याच्यासाठी, कठीण परिस्थितीत धर्म आणि अध्यात्म ही त्याची ताकद आहे.
केशव मैदानावरही आपली प्रभू श्रीरामांवरील (Ayodhya) श्रद्धा दाखवण्यात कमी पडत नाही. जेव्हा जेव्हा तो मैदानात येतो तेव्हा डीजेला ‘राम सियाराम’ वाजवण्यास सांगतो. भारतातील एकदिवसीय विश्वचषकादरम्यान, नेदरलँड्सविरुद्धच्या सामन्यात त्याच्या बॅटवर ‘ओम’ स्टिकर लावले होते आणि चेन्नईमध्ये पाकिस्तानविरुद्धच्या सामन्यात विजय मिळवल्यानंतर त्याने विजयाबद्दल आनंद व्यक्त करत त्याच्या सोशल मीडिया पोस्टच्या शेवटी ‘जय श्री हनुमान’ लिहिले होते. त्याच्या घरच्या मैदानावर नुकत्याच झालेल्या भारताविरुद्धच्या कसोटी मालिकेदरम्यान मैदानावर येताना त्याने डीजेला ‘राम सियाराम’ वाजवण्यास सांगितले आणि हा व्हिडिओ व्हायरल झाला होता.
भारतीय वंशाच्या केशवने ‘एसए 20 फायनल’पूर्वी दिलेल्या मुलाखतीत सांगितले की, ‘मी अतिशय धार्मिक आणि आध्यात्मिक दृष्ट्या रुची असलेल्या कुटुंबातून आलो आहे. धर्म आणि अध्यात्म माझ्यावर लादले गेले नाहीत, परंतु मला वाटते की ते मला कठीण परिस्थितीत मार्गदर्शन आणि दृष्टीकोन देतात. मी माझ्या विश्वासाशी खूप संलग्न आहे. केशवचे आजोबा उत्तर प्रदेशातील सुलतानपूरचे होते ते 1874 मध्ये डर्बन येथे मजूर म्हणून काम करण्यासाठी आले.
केशव म्हणाला, मी सर्व सण घरीच साजरे करतो आणि प्रत्येकाला संदेश देतो की जीवनात थोडी श्रद्धा असली पाहिजे. 22 जानेवारीला अयोध्येतील राम मंदिराचा अभिषेक झाल्यामुळे तो इतका उत्साहित झाला होता की त्याने सोशल मीडियावर याबद्दल पोस्टही केली होती. तो म्हणाला, “मी प्रभू रामाचा निस्सीम भक्त आहे आणि तो एक खास दिवस होता. एवढ्या मोठ्या प्रमाणावर असे काहीतरी घडणे खूप खास होते. जगात कुठेही असे घडत नाही आणि ते भारतात घडले याचा मला आनंद आहे.”
डर्बन सुपर जायंट्सचा कर्णधार म्हणाला, ‘जेव्हाही मी भारतात येईन आणि मला वेळ मिळेल तेव्हा मला अयोध्येला जायला नक्की आवडेल.’
महत्वाच्या बातम्या :
कॉंग्रेसचे नेते Baba Siddique यांचा राष्ट्रवादीत जाहीर प्रवेश; उपमुख्यमंत्री पवार यांनी केले स्वागत
Nikhil Wagle व सहकाऱ्यांवर पुण्यात प्राणघातक हल्ला करणाऱ्यांवर कडक कारवाई करा – पृथ्वीराज चव्हाण
Chhagan Bhujbal | तुमची 5 लोकांनी सुपारी घेतलीये, ५० लाखांची …; छगन भुजबळांना पुन्हा एकदा धमकी
