Raj Kundra | शिल्पा शेट्टीचे पती राज कुंद्राविरुद्ध ईडीची कारवाई, 98 कोटींची मालमत्ता केली जप्त

By azad desk On Apr 18, 2024

सक्तवसुली संचालनालयाने (ईडी) अभिनेत्री शिल्पा शेट्टीचा पती आणि उद्योगपती राज कुंद्रा (Raj Kundra) याच्यावर मनी लाँड्रिंग प्रकरणात कारवाई केली आहे. हे प्रकरण बिटकॉइनच्या वापराद्वारे गुंतवणूकदारांच्या निधीची फसवणूक करण्याशी संबंधित आहे. ईडीने गुरुवारी सांगितले की त्यांनी मनी लाँड्रिंगच्या चौकशीचा एक भाग म्हणून अभिनेत्री शिल्पा शेट्टी आणि तिचा पती राज कुंद्रा (Raj Kundra) यांच्या पुण्यातील बंगला आणि इक्विटी शेअर्ससह 98 कोटी रुपयांची मालमत्ता जप्त केली आहे.

ईडीने सोशल मीडियावर पोस्ट केले की पीएमएलए, 2002 च्या तरतुदींनुसार, रिपू सुदान कुंद्रा उर्फ राज कुंद्रा यांच्या 97.79 कोटी रुपयांच्या स्थावर आणि जंगम मालमत्ता तात्पुरत्या स्वरूपात जप्त करण्यात आल्या आहेत.

ED ने X वर माहिती पोस्ट केली
जप्त केलेल्या मालमत्तेत शिल्पा शेट्टीच्या नावावर असलेल्या जुहू येथील बंगल्याचा समावेश असल्याची माहिती पोस्टने दिली आहे. तसेच पुण्यातील एका बंगल्याचाही समावेश आहे. याशिवाय ईडीने राज कुंद्राच्या नावे काही इक्विटी शेअर्सही जप्त केले आहेत.

बिटकॉईन प्रकरणात ही कारवाई करण्यात आली
मनी लॉन्ड्रिंग प्रकरणी ईडीने ही कारवाई केली आहे. पीटीआय वृत्तसंस्थेनुसार, ईडीने महाराष्ट्र पोलिस आणि दिल्ली पोलिसांच्या वतीने वन व्हेरिएबल टेक प्रायव्हेट लिमिटेड आणि आरोपी दिवंगत अमित भारद्वाज, विवेक भारद्वाज, सिम्पी भारद्वाज आणि महेंद्र भारद्वाज आणि इतरांविरुद्ध तपास सुरू केला होता. दरमहा 10 टक्के परतावा देण्याचे खोटे आश्वासन देऊन त्यांनी भोळ्या लोकांकडून बिटकॉइनच्या रूपात प्रचंड रक्कम (2017मध्ये 6,600 कोटी रुपये) गोळा केल्याचा आरोप आहे.

कुंद्राकडे अजूनही 285 बिटकॉइन्स आहेत
प्रवर्तकांनी गुंतवणुकदारांची फसवणूक केली आणि अस्पष्ट ऑनलाइन वॉलेटमध्ये बेकायदेशीरपणे मिळवलेली बिटकॉइन लपवून ठेवल्याचा आरोप ईडीने केला आहे. युक्रेनमध्ये बिटकॉइन मायनिंग फार्म सुरू करण्यासाठी कुंद्राला गेन बिटकॉइन पॉन्झी घोटाळ्याचा मास्टरमाइंड आणि प्रवर्तक अमित भारद्वाजकडून 285 बिटकॉइन्स मिळाल्याचा दावा करण्यात आला आहे. ईडीने सांगितले की, कुंद्रा यांच्याकडे अद्याप 285 बिटकॉइन्स आहेत ज्यांची किंमत सध्या 150 कोटी रुपयांपेक्षा जास्त आहे.