जॅकलिन फर्नांडिसच्या अडचणी वाढल्या, ईडी आरोपपत्र दाखल करण्याच्या तयारीत
मुंबई – बॉलीवूड अभिनेत्री जॅकलिन फर्नांडिसच्या (Jacqueline Fernandez) देशातील सर्वात मोठा ठग सुकेश चंद्रशेखरसोबतच्या (Sukesh Chandrasekhar) संबंधांमुळे अडचणी वाढू शकतात. ईडीच्या सूत्रांकडून सांगण्यात आले की, एजन्सी आता अभिनेत्रीविरुद्ध आरोपपत्र दाखल करणार आहे. ईडीने जॅकलिनविरुद्ध सापडलेल्या पुराव्यांचा आढावा घेतला असून, त्यानंतर तिच्याविरुद्ध न्यायालयात आरोपपत्र दाखल केले जाऊ शकते. यापूर्वी ईडीनेही याच प्रकरणात जॅकलिनची चौकशी केली होती. यासोबतच त्यांची कोट्यवधींची मालमत्ताही जप्त करण्यात आली आहे.
जॅकलिनवर सुकेशकडून करोडोंच्या महागड्या गिफ्ट्स घेतल्याचा आरोप आहे. जॅकलिनच्या आई-वडिलांना महागड्या गाड्या आणि तिच्या भावंडांना भेटवस्तूही दिल्याचा आरोप ईडीने केला आहे. स्वत: जॅकलीननेही कबूल केले आहे की तिला आणि तिच्या कुटुंबाला भेटवस्तू मिळाल्या होत्या.
या गुन्ह्याची रक्कम परदेशातून म्हणजेच बहरीन, अमेरिका आणि ऑस्ट्रेलियातून पाठवण्यात आली होती. गिफ्टमध्ये महागडी कार आणि डॉलरमध्ये पैसे पाठवले होते. सुकेश चंद्रशेखरने ईडीसमोर दिलेल्या निवेदनात आपण जॅकलिनला कोणती भेटवस्तू दिली हे देखील सांगितले आहे. यादरम्यान जॅकलीन आणि सुकेश चंद्रशेखर यांचा एक फोटोही समोर आला होता, ज्यामध्ये दोघे खूप जवळ दिसत होते.
जॅकलिनला मौल्यवान वस्तू पोहोचवणाऱ्या पिंकी इराणीनेही (Pinky Irani) ईडीसमोर या सर्व गोष्टींची कबुली दिली आहे. या प्रकरणाशी संबंधित सर्व लोकांची ईडीने चौकशी केली असून, पुराव्यांचा आढावा घेतल्यानंतर आरोपपत्र दाखल करण्याचा निर्णय घेतला जाईल. लवकरच आरोपपत्र तयार होण्याची शक्यता आहे. दरम्यान, याच प्रकरणात ईडीने अभिनेत्री नोरा फतेहीलाही (Nora Fatehi) साक्षीदार बनवले होते, तर जॅकलीन परदेशात गेल्यावर लूक आऊट सर्क्युलर (Look out circular)जारी केले होते. यानंतर न्यायालयाच्या परवानगीनेच जॅकलिन बाहेर जाऊ शकली. ईडीच्या सूत्रांनी दिलेल्या माहितीनुसार, एजन्सीकडे जॅकलिनच्या विरोधात वक्तव्यांची एक लांबलचक यादी आहे, ज्यावरून हे सिद्ध होते की जॅकलीन आणि तिच्या कुटुंबाला गुन्ह्याच्या पैशातून सतत पैसे कसे दिले जात होते आणि या पैशातून जॅकलीनला मोफत खाजगी विमान प्रवास आणि खाजगी विमान प्रवास देखील देण्यात आला होता.