प्रसिद्ध मोटीव्हेशन स्पीकर विवेक बिंद्रांनी केले ४१व्या वर्षी लग्न, लग्नाच्या काही दिवसांत पत्नीला जबर मारहाण

By Shweta Chidmalwad On Dec 23, 2023

Youtuber Vivek Bindra: ‘मोटिव्हेशनल स्पीकर’ विवेक बिंद्राविरोधात सेक्टर-126 पोलिस ठाण्यात पत्नीला मारहाण केल्याप्रकरणी गुन्हा दाखल करण्यात आला आहे. विवेक बिंद्रा (Vivek Bindra Wife) आणि यानिका (विवेक बिंद्राची पत्नी) या महिन्यात 6 डिसेंबरला विवाहबद्ध झाले. लग्नाच्या दुसऱ्याच दिवशी म्हणजे 7 डिसेंबरला सकाळी बिंद्रा आणि त्याची आई प्रभा यांच्यात जोरदार वाद झाला. यानिका मध्यस्थी करण्यासाठी पुढे आली असता बिंद्राने तिच्यावर हल्ला केला. या हल्ल्यात यानिकाला दुखापत झाल्याची माहिती आहे. यानिकावर दिल्लीतील एका खासगी रुग्णालयात उपचार सुरू आहेत.

विवेक बिंद्राविरुद्ध त्याची पत्नी यानिकाचा भाऊ वैभव याने 14 डिसेंबरला तक्रार दाखल केली होती. मात्र नोएडा पोलिसांनी गुन्हा दाखल झाल्यानंतर तातडीने कोणतीही कारवाई केली नाही आणि आता आरोपी विवेक बिंद्रा फरार झाला आहे. त्याचा शोध सुरू आहे.

कानाचा पडदा फाटला
एफआयआरनुसार, बिंद्राने कथितरित्या यानिकाला एका खोलीत नेले, तिचे केस ओढले आणि तिच्यावर हल्ला केला. बिंद्राने तिचा फोनही तोडला. यानिकाला एवढी मारहाण करण्यात आली की तिच्या कानाचा पडदाही फाटला, असा आरोप आहे. गुन्हा दाखल झाल्यानंतर पोलिसांनी या प्रकरणाचा तपास सुरू केला.

इंस्टाग्रामवर बिंद्राचे लाखो फॉलोअर्स आहेत
आम्ही तुम्हाला सांगतो की बिंद्रा बडा बिझनेस प्रायव्हेट लिमिटेड (BBPL) चे सीईओ आहेत आणि त्यांना यूट्यूब आणि इंस्टाग्रामवर लाखो लोक फॉलो करतात. अलीकडेच, YouTuber संदीप माहेश्वरीने त्याच्या YouTube चॅनेलवर “बिग स्कॅम एक्सपोज” नावाचा व्हिडिओ जारी केला. ज्यामध्ये काही विद्यार्थ्यांनी बिंद्राच्या कंपनीकडून फसवणूक झाल्याचा दावा केला होता.