स्विस बँकेतील भारतीयांची खाती, ओळख आणि खात्यातील शिल्लक याबद्दल नवीन माहिती आली समोर

By Shweta Chidmalwad On Oct 9, 2023

Swiss Accounts Details: स्विस बँकेने (Swiss Bank) वार्षिक स्वयंचलित एक्सचेंज ऑफ इन्फॉर्मेशन (AEOI) अंतर्गत खात्याच्या तपशीलांचा पाचवा संच भारतासोबत शेअर केला आहे. स्वित्झर्लंडने 104 देशांसोबत सुमारे 36 लाख आर्थिक खात्यांचा तपशील शेअर केला आहे, ज्यात भारताचाही समावेश आहे.

या अंतर्गत स्विस बँकेने कोणकोणत्या भारतीयांनी स्विस बँकेत आपला पैसा ठेवला आहे आणि हा पैसा कुठून आला याचा तपशील शेअर केला आहे. स्विस अधिकाऱ्यांनी सांगितले की, ही देवाणघेवाण गेल्या महिन्यात म्हणजे सप्टेंबरमध्ये झाली होती. यापूर्वी 11 ऑक्टोबर 2022 रोजी स्विस बँकेने आपल्या नागरिकांच्या खात्यांची आर्थिक माहिती भारतासोबत सामायिक केली होती, जी दोन्ही देशांदरम्यान सामायिक केलेला चौथा संच होता. आता अशी माहिती सप्टेंबर 2024 मध्ये स्वित्झर्लंडद्वारे पुन्हा शेअर केली जाईल.

स्विस बँकेच्या अधिकाऱ्यांनी सांगितले की, स्वित्झर्लंड आणि भारत यांच्यातील माहितीची ही पाचवी वार्षिक देवाणघेवाण आहे. भारतीय अधिकाऱ्यांसोबत शेअर केलेले नवीन तपशील शेकडो आर्थिक खात्यांशी संबंधित आहेत, ज्यात काही व्यक्ती, कॉर्पोरेट्स आणि ट्रस्टशी संबंधित आहेत. सामायिक केलेल्या तपशीलांमध्ये ओळख, बँक खाते आणि आर्थिक माहिती समाविष्ट आहे. यामध्ये नाव, पत्ता, राहण्याचा देश आणि कर ओळख क्रमांक तसेच अहवाल देणाऱ्या वित्तीय संस्था, खाते शिल्लक आणि भांडवली उत्पन्नाशी संबंधित माहिती समाविष्ट आहे.

अधिकार्‍यांनी माहितीची देवाणघेवाण केलेली रक्कम किंवा इतर तपशील उघड केले नाहीत. माहितीच्या देवाणघेवाणीची गोपनीयता आणि त्यासंबंधीचे नियम आणि पुढील तपासावर त्याचा नकारात्मक परिणाम होत असल्याचे कारण देत स्विस अधिकाऱ्यांनी तसे करण्यास नकार दिला आहे. ते म्हणाले की, या तपशीलाचा उपयोग करचोरी, मनी लाँड्रिंग आणि दहशतवादासाठी निधीसह इतर बेकायदेशीर आणि चुकीच्या कामांची चौकशी करण्यासाठी केला जाईल. या माहितीच्या आधारे, स्विस अधिकारी करदात्यांनी त्यांच्या प्राप्तिकर रिटर्नमध्ये त्यांच्या आर्थिक खात्यांची अचूक घोषणा केली आहे की नाही हे सत्यापित करण्यास सक्षम असतील.