इंदूरमधील टी२० सामना कर्णधार रोहितसाठी असेल खास, बनणार जगातील पहिला क्रिकेटर

By Shweta Chidmalwad On Jan 14, 2024

Rohit Sharma 150th T20I Match: रोहित शर्मा आज 150व्या T20 आंतरराष्ट्रीय सामन्यासाठी मैदानात उतरणार आहे. सध्या भारतीय संघ अफगाणिस्तानविरुद्ध तीन टी-20 सामन्यांची मायदेशात मालिका खेळत आहे, त्यातील पहिला सामना खेळला गेला आहे. आता दुसरा सामना आज म्हणजेच रविवार, 14 जानेवारी रोजी इंदूरमध्ये खेळवला जाईल, जो भारतीय कर्णधार रोहित शर्माचा 150 वा टी-20 आंतरराष्ट्रीय सामना असेल. रोहित 150 टी-20 खेळणारा क्रिकेट जगतातील पहिला खेळाडू ठरणार आहे.

अफगाणिस्तानविरुद्धच्या पहिल्या सामन्यात रोहित शर्मा खाते न उघडता बाद झाला होता, हा त्याचा १४९वा T20I सामना होता. रोहितने 2007 मध्ये टी-20 आंतरराष्ट्रीय पदार्पण केले. भारताने अफगाणिस्तान विरुद्धचा पहिला सामना 6 विकेट्सने जिंकला, ज्याद्वारे रोहित शर्मा T20 आंतरराष्ट्रीय मधील 100 व्या विजयाचा भाग बनणारा पहिला खेळाडू ठरला. सध्या रोहित शर्मा तिन्ही फॉरमॅटमध्ये भारताचा नियमित कर्णधार आहे.
रोहित शर्मा टी-20 आंतरराष्ट्रीय क्रिकेटमध्ये सर्वाधिक धावा करणारा दुसऱ्या क्रमांकावर आहे. त्याने आतापर्यंत 3853 धावा केल्या आहेत. याशिवाय, भारतीय कर्णधार हा असा खेळाडू आहे ज्याने फॉरमॅटमध्ये सर्वाधिक षटकार ठोकले आहेत. रोहितने आतापर्यंत 182 षटकार मारले आहेत. याशिवाय सर्वाधिक चौकार मारण्याच्या बाबतीत तो चौथ्या क्रमांकावर आहे. भारतीय कर्णधाराने आतापर्यंत 348 चौकार मारले आहेत.

हिटमॅन म्हणून ओळखल्या जाणाऱ्या रोहित शर्माने सप्टेंबर 2007 मध्ये टी-20 आंतरराष्ट्रीय क्रिकेटमध्ये पदार्पण केले. तथापि, सुरुवातीच्या टप्प्यात रोहित शर्मा प्रामुख्याने टीम इंडियाचा भाग नव्हता. मात्र काही काळानंतर त्याने संघात आपले स्थान पक्के केले होते. हिटमॅनने आतापर्यंत 149 टी-20 आंतरराष्ट्रीय सामने खेळले आहेत, 141 डावात फलंदाजी करत त्याने 31.07 च्या सरासरीने आणि 139.14 च्या स्ट्राइक रेटने 3853 धावा केल्या आहेत. या कालावधीत त्याने 4 शतके आणि 29 अर्धशतके केली आहेत.