आदमपुर फाटा/विनायक आंधळे : महाराष्ट्रातील (Maharashtra) धनगर समाजाने (Dhangar Samaj) गेल्या 75 वर्षांपासून हक्काच्या आरक्षणासाठी आशावाद ठेवलेल्या समाजाची दिशाभूल करून आजपर्यंत आरक्षण न देऊ शकलेल्या सर्व सरकारचा नांदेड-हैदराबाद रोडवरील आदमपुर फाटा (Adampur Phata) येथे शनिवारी रस्ता रोको आंदोलन करत सरकारचा जाहीर निषेध करण्यात आला. तातडीने महाराष्ट्रातील सर्व धनगर समाजाच्या कलम 36 घटनेप्रमाणे एसटी आरक्षणाची (Reservation) अंमलबजावणी करण्यात यावी अशी यावेळी मागणी करण्यात आली.
यावेळी धनगर आरक्षणाची (Dhangar Reservation) अंमलबजावणी तात्काळ करण्यात यावी नाहीतर यापेक्षाही तीव्र आंदोलन करण्यात येईल असा इशारा सकल धनगर समाजाच्या वतीने सरकारला देण्यात आला. यावेळी सकल धनगर समाज बांधवांच्या वतीने मोटरसायकल रॅली काढण्यात आली. तसेच, ताशा ढोल वादक, आदिवासी वेशभूषा सह पारंपारिक वाद्य वाजवत रस्ता रोको आंदोलन करण्यात आले. यावेळी धनगर समाजातील महिला, तरुण, पुरुष मंडळी मोठ्या संख्येने उपस्थित होते.
https://youtube.com/shorts/LLrVrVQpCd4?si=eqsX7Qv1NCTZNyMe
महत्त्वाच्या बातम्या-
World Cup 2023: एक असा खेळाडू, जो स्वबळावर टीम इंडियाला बनवू शकतो विश्वविजेता
Rohit Pawar : सूड कसा उगवायचा याचा निर्णय…; ‘बारामती ॲग्रो’ प्रकरणी रोहित पवारांची पहिली प्रतिक्रिया
