Eknath Khadse | “अशा धमक्या मला बऱ्याच वेळा आल्या आहेत”; धमकीच्या फोनवर एकनाथ खडसेंची पहिली प्रतिक्रिया
Eknath Khadse Threatened to Kill | बॉलिवूड स्टार सलमान खाननंतर आता महाराष्ट्राचे दिग्गज नेते एकनाथ खडसे यांना धमकी देण्यात आली आहे. त्याला 4 ते 5 वेळा फोन करून धमकी देण्यात आली. सुधरा, अन्यथा तुम्हाला मारले जाईल, असे धमकीत सांगण्यात आले आहे. खडसे यांनी पोलिसांत तक्रार दाखल करून कारवाईची मागणी केली आहे. नेत्याने सुरक्षेची मागणीही केली आहे. नंतर जळगावमध्ये असताना त्यांनी यावर आपली प्रतिक्रिया दिली आहे.
काय म्हणाले एकनाथ खडसे? (Eknath Khadse)
“दोन दिवसांपासून मला विदेशासह परराज्यातून धमकीचे कॉल आले आहेत. दाऊद व छोटा शकीलच्या नावांचा उल्लेख करत ‘आपको मारना है’ अशा स्वरूपाच्या धमक्या देण्यात येत आहेत. सुरुवातीला मला वाटले की कोणीतरी खोडसाळपणा करत असेल पण सातत्याने फोन आल्याने मी या प्रकरणी पोलिसांत तक्रार दिली आहे. या घटनेचा राजकीय संबंध असेल असे मला वाटत नाही, मात्र पोलीस चौकशी करत आहेत. त्यामुळे तथ्य बाहेर येईल. अशा धमक्या मला अनेक वेळा आल्या आहेत. त्यामुळे परिवारात कुठेही भीतीचे वातावरण नाही. खबरदारीचा उपाय म्हणून सुरक्षेच्या दृष्टिकोनातून पोलिसांना सुचित केले आहे आणि आम्हीही आवश्यक ती काळजी घेत आहोत,” अशी प्रतिक्रिया जीवे मारण्याची धमकीचे कॉल आल्याप्रकरणी एकनाथ खडसेंनी दिली.
आपल्या भागातील बातम्या जाणून घेण्यासाठी जॉइन करा आझाद मराठीचा’चा व्हॉट्सअ‍ॅप ग्रुप
महत्वाच्या बातम्या :