Shikhar Dhawan | मुलाच्या आठवणीत भावूक झाला शिखर धवन, जोरावरच्या नावाची जर्सी घालत म्हणाला…
Shikhar Dhawan IPL | भारताचा अनुभवी फलंदाज शिखर धवन आयपीएल 2024 मध्ये पंजाब किंग्जचे नेतृत्व करत आहे. त्याच्या संघाची आतापर्यंतची कामगिरी तितकीशी चांगली नाही. संघाने 6 पैकी 2 सामने जिंकले आहेत. पंजाबच्या खात्यात 4 गुण आहेत आणि ते गुणतालिकेत सातव्या स्थानावर आहेत. पूर्णपणे तंदुरुस्त नसल्यामुळे धवन गेल्या सामन्यात खेळू शकला नव्हता. त्याच्या जागी सॅम कुरनने कर्णधारपद स्वीकारले. पंजाबला राजस्थान रॉयल्सविरुद्ध 3 गडी राखून पराभव स्वीकारावा लागला.
धवनचा मुलासाठी संदेश
मुंबई इंडियन्सविरुद्धच्या पुढील सामन्यापासूनही धवन (Shikhar Dhawan) दूर राहू शकतो. दरम्यान, त्याने इंस्टाग्रामवर फोटो शेअर केले आहेत. आपला मुलगा जोरावरला आठवून तो भावूक झाला आहे. धवनने त्याचा मुलगा जोरावरसाठी एक भावनिक संदेश पोस्ट केला आहे. तसेच त्यावर मुलाच्या नावाची जर्सी दाखवून ती परिधान केली. धवनने लिहिले की, माझ्या मुला, तू नेहमीच माझ्यासोबत असतोस.
धवनचे लग्न 8 वर्षे टिकले
ऑक्टोबर 2012 मध्ये धवनने आयेशा मुखर्जीसोबत लग्न केले. त्यांचे लग्न 8 वर्षे टिकले, त्यानंतर दिल्ली न्यायालयाने 38 वर्षीय धवनला पत्नीपासून घटस्फोट मंजूर केला. धवन त्याच्या सोशल मीडिया अकाउंटवर आपल्या मुलासोबतच्या पोस्ट शेअर करत असतो. गेल्या वर्षी डिसेंबरमध्येही धवनने आपल्या मुलाच्या वाढदिवसानिमित्त एक भावनिक पोस्ट केली होती. आयशासोबतच्या ताणलेल्या नात्यात तो आपल्या मुलाला शेवटचा भेटला होता तो वेळ आठवून तो भावूक होत आहे.
आपल्या भागातील बातम्या जाणून घेण्यासाठी जॉइन करा आझाद मराठीचा’चा व्हॉट्सअ‍ॅप ग्रुप
महत्वाच्या बातम्या :
Amol Kolhe | ‘आमच्या गावासाठी पाच वर्षांत काय केले?’ करंदी ग्रामस्थांचा अमोल कोल्हेंना थेट सवाल
Narendra Modi | मोदीजींची विकेट काढायला विरोधकांकडे ना बॉलर ना बॅट्समन, शिंदेंचा विरोधकांवर घणाघात