Video : मोहम्मद सिराज नव्हे, तर रोहित शर्माने आशिया चषक दुसऱ्याच खेळाडूकडे सोपवला
Asia Cup Final: भारत विरुद्ध श्रीलंका (India vs Sri Lanka) संघात आज कोलंबोच्या मैदानावर आशिया चषकाचा अंतिम सामना पार पडला. या सामन्यात श्रीलंकेला लाजिरवाण्या पराभवाला सामोरे जावे लागेल. श्रीलंकेचा संघ अवघ्या ५० धावांवर बाद झाल्याने भारताला सोपे लक्ष्य मिळाले. भारताच्या सलामी जोडीने ७ षटकातच लक्ष्य गाठत आशिया चषक जिंकला. आशिया चषकावर आपले नाव कोरण्याची ही भारताची आठवी वेळ आहे.
या सामन्याचा खरा शिल्पकार राहिला मोहम्मद सिराज. सिराजने ७ षटके टाकताना केवळ २१ धावा देत ६ विकेट्स घेतल्या. त्याच्या कामगिरीसाठी त्याला सामनावीर पुरस्कारानेही गौरवण्यात आले.
या विजयानंतर आशियाई क्रिकेट परिषदेचे ( ACC) अध्यक्ष जय शाह यांनी कर्णधार रोहित शर्माकडे ट्रॉफी दिली. रोहितने परंपरा कायम राखताना ती संघातील दुसऱ्या खेळाडूकडे दिली, पण तो दुसरा खेळाडू मोहम्मद सिराज नव्हता… रोहितने ट्रॉफी युवा खेळाडू तिलक वर्मा व इशान किशन यांच्याकडे सोपवली. त्यांच्या जल्लोषाचा व्हिडीओ व्हायरल झाला आहे.
महत्त्वाच्या बातम्या-
Dhanashree Verma: माझी ताजमहल…; धनश्री वर्माच्या बोल्ड लूकवर युझवेंद्र चहल फिदा
मराठा समाजाला आरक्षण देताना ओबीसींचे आरक्षण शून्य टक्केही कमी होणार नाही- बावनकुळे
‘श्रीमंत भाऊसाहेब रंगारी गणपती ट्रस्ट’कडून गणेशोत्सवात कार्यक्रमांची रेलचेल