दारू पिऊन हाणामारी करायचा पती, पत्नीने इलेक्ट्रिक शॉक देत घेतला जीव; पोलिसांसमोर कबुली

By Shweta Chidmalwad On Dec 22, 2023

Wife Murdered Husband Electric Shock: पती-पत्नीच्या प्रेमळ नात्याला तडा देणारे एक प्रकरण उत्तर प्रदेशातील आग्रा येथून समोर आले आहे. येथे एक महिला आपल्या पतीच्या दारू पिण्याच्या सवयीमुळे कंटाळली. आणि त्याला विजेचा शॉक देऊन त्याचा खून केला. महिलेच्या सासरच्यांनी आपल्या सुनेविरुद्ध पोलिसांत तक्रार दाखल केली. तक्रारीच्या आधारे पोलिसांनी आरोपी महिलेविरुद्ध खुनाचा गुन्हा दाखल करून तिला अटक केली आहे. सदर पोलीस ठाण्याच्या हद्दीत ही घटना घडली.

पोलिसांना घरात मृतदेह आढळून आला
मिळालेल्या माहितीनुसार, आरोपी महिलेने शनिवारी रात्री हा प्रकार केला. या हत्येची 2 दिवस कोणालाच माहिती नव्हती. सोमवारी हा प्रकार मृताच्या वडिलांना कळला आणि त्यांनी तत्काळ पोलिसांना माहिती दिली. माहिती मिळताच पोलीस तपासासाठी घटनास्थळी पोहोचले, तेथे पोलिसांना एका 38 वर्षीय व्यक्तीचा मृतदेह घरात आढळून आला. मृतदेह ताब्यात घेतल्यानंतर पोलिसांनी आरोपी महिलेविरुद्ध भादंवि कलम 302 अन्वये एफआयआर नोंदवला. आरोपी महिलेला अटक करून मंगळवारी न्यायालयात हजर केले असता न्यायालयाने तिला 14 दिवसांची न्यायालयीन कोठडी सुनावली.

महिलेने गुन्ह्याची कबुली दिली
या प्रकरणाचा तपास करत असलेले सदर पोलीस स्टेशनचे प्रभारी प्रदीप कुमार यांनी सांगितले की, सोमवारी एका वृद्धाने आपल्या सुनेवर आपल्या मुलाची हत्या केल्याचा आरोप करत तक्रार दाखल केली होती. तपासात हा आरोप खरा ठरला. आरोपी महिलेला अटक करण्यात आली. चौकशीत आरोपीने सांगितले की, तिचा नवरा हा विक्रेता होता, त्याच्या रोज दारू पिण्याच्या सवयीमुळे ती खूप नाराज होती. यावरून अनेकदा दोघांमध्ये मारामारीही व्हायची. आरोपी महिलेने सांगितले की, घटनेच्या रात्रीही तिचा पती दारूच्या नशेत घरी आला होता. तेवढ्यात दोघांमध्ये वाद सुरू झाला. भांडणानंतर आरोपी महिलेने दारूच्या नशेत असलेल्या पतीला बांधले आणि नंतर विजेचा धक्का देऊन त्याची हत्या केली. पोलिसांच्या चौकशीत महिलेने गुन्ह्याची कबुली दिली आहे. सध्या पोलीस या प्रकरणाचा तपास करत आहेत.

मयत आणि आरोपीला दोन मुली असून ते आग्रा येथे भाड्याच्या घरात राहत होते.