INDvsPAK: ‘तो निर्णय घेत पाकिस्तानने भारताला आयती संधी दिली’, सामना संपण्यापूर्वीच घाबरले पाकडे!!

By Shweta Chidmalwad On Sep 10, 2023

Shoaib Akhtar: भारत विरुद्ध पाकिस्तान (India vs Pakistan) संघात कोलंबोच्या आर प्रेमदासा स्टेडियमवर आशिया चषकातील सुपर फोर सामना सुरू आहे. हा सामना जिंकत दोन्ही संघांकडे उपांत्य सामन्याचे तिकीट पक्के करण्याची सुवर्णसंधी आहे. या सामन्यात २४ षटकांचा खेळ झाल्यानंतर मुसळधार पावसाला सुरुवात झाल्याने खेळ काही वेळ थांबवावा लागला. दरम्यान पाकिस्तानचा माजी वेगवान गोलंदाज शोएब अख्तर (Shoaib Akhtar) याने या सामन्यावर लक्षवेधी प्रतिक्रिया दिली आहे.

त्याचे झाले असे की, नाणेफेकीचा कौल पाकिस्तानच्या पारड्यात पडला. यानंतर पाकिस्तानचा कर्णधार बाबर आझम (Babar Azam) याने नाणेफेक जिंकत प्रथम गलंदाजीचा निर्णय घेतला. मात्र अख्तरला आझमचा हा निर्णय आवडलेला नाही.

Headed to the ground. Fielding first. Hmmm do you think its a good decision?? pic.twitter.com/Cwhs8XauIq

— Shoaib Akhtar (@shoaib100mph) September 10, 2023

शोएब म्हणाला की, पाकिस्तानने नाणेफेक जिंकून प्रथम गोलंदाजी करण्याचा निर्णय का घेतला मला माहित नाही. मात्र हा निर्णय ऐकताच मी थक्क झालो. दोन दिवस इथे पाऊसही नाही. त्यामुळे पाकिस्तानने प्रथम फलंदाजी करायला हवी होती, कारण मागच्या सामन्यात भारताविरूद्ध बाबरच्या संघाला फलंदाजीची संधी मिळाली नव्हती. पाकिस्तान अजूनही फेव्हरेट आहे पण त्यांनी भारताला आयती संधी दिली आहे, असे म्हणत शोएबने एकप्रकारे सामना जिंकण्यापूर्वीच हार मानली असल्याचे दिसत आहे.