आंध्र प्रदेशचे माजी मुख्यमंत्री चंद्राबाबू नायडू यांना भ्रष्टाचारप्रकरणी अटक, पक्षाचे कार्यकर्ते रस्त्यावर उतरले
Chandra Babu Naidu Arrested : तेलगू देसम पार्टी (टीडीपी) प्रमुख चंद्राबाबू नायडू यांना शनिवारी सकाळी (9 सप्टेंबर 2023) भ्रष्टाचाराच्या आरोपाखाली अटक करण्यात आली. आंध्र प्रदेश पोलीस अधिकाऱ्याने ही माहिती दिली. टीडीपी प्रमुखाच्या अटकेनंतर त्यांच्या कार्यकर्त्यांनी राज्यभर निदर्शने सुरू केली आहेत.
नायडू यांच्या अटकेविरोधात तेलगू देसमच्या नेत्यांनी तिरुपती येथील अन्नपूर्णा सारुकुलू केंद्रात टायर जाळून निषेध व्यक्त केला. नायडू यांचा मुलगा नारा लोकेश याने वडिलांच्या अटकेचा निषेध केला आहे. नायडू म्हणाले, ‘मी कोणताही भ्रष्टाचार केलेला नाही. सीआयडीने कोणतीही योग्य माहिती न देता मला अटक केली आणि मी त्यांना पुरावे दाखवण्यास सांगितले, परंतु त्यांनी पुरावे दाखवण्यास नकार दिला आणि माझी भूमिका न घेता माझे नाव एफआयआरमध्ये समाविष्ट केले.
आंध्र प्रदेश पोलिस अधिकार्‍यांनी दिलेल्या माहितीनुसार, सीआयडीने आंध्र प्रदेशच्या माजी मुख्यमंत्र्यांना नंद्याल शहरातील ज्ञानपुरम येथील आरके फंक्शन हॉलमधून सकाळी 6 वाजता अटक केली. नोटीसनुसार, नायडू यांना कलम १२०बी, ४२० आणि ४६५ तसेच भारतीय दंड संहितेच्या (IPC) इतर संबंधित कलमांखाली अटक करण्यात आली आहे. नोटीसनुसार, आंध्र प्रदेश सीआयडीने माजी मुख्यमंत्र्यांविरोधात भ्रष्टाचार प्रतिबंधक कायद्याची (पीएमएलए) कलमेही लावली आहेत. फौजदारी प्रक्रिया संहितेच्या (सीआरपीसी) कलम ५० (१) (२) अंतर्गत नायडू यांना ही नोटीस देण्यात आल्याचे अधिकाऱ्यांनी सांगितले.
महत्त्वाच्या बातम्या-
पाकिस्तानविरुद्धच्या सामन्यासाठी बुमराह परतला, ‘या’ प्लेइंग इलेव्हनसह भारत देणार तगडे आव्हान